Popular Bible Verses from Kalaasi Siè 3

Share

Ɛ́ hɔ́ lɛ ɛ́ ké yí dàń ɔ́ Moyiize làndɛ́ bòo lɛ ɛ́ hɔ́ bie míkùi ɛ́ yí wé, ɛ́ lé dánkɛ́nín ɛ́ wo hṹn wi ke lɔ̀n. Kɛ́ hɔ́ lɛ á Kirisa ɛ́ húrun lè ɓáalén dãanù lɔ̀n, á iè pe wo húrun kè kṹun hũn ɛ́ dàa lerɛ lèpe dánkɛ́nín sɔ ɛ́ lɔ́ ké lɔ̀n, iè hɔ̀ lɛ ɛ́ lé Dɔfĩn bienù ɛ́ den bie nɛ nìnbírɔ yée nìnbírɔ lɛ ɛ́ ɓɛ́ ɓɔ́ lé ɓáalén dãanù lɔ̀n ɛ́ dánkɛ́níɛnin.

Ɛ́ sí iè hɔ̀ pe ɛ́ ńsankɛà ɛ́ dàa bĩniɛ mí ɓɛ́ Zuifuɓɛ àá ɓɛ lɛ yí ɓɛ́ Zuifuɓɛ tĩ́ihṹ, ɛ̀ ńsankɛà ɛ́ bĩniɛ mí ɓɛ́ wɔhĩ́ àá ɓɛ́ lɛ ɛ́ te ɓɛ́te tĩ́ihṹ, ɛ̀ ńsankɛà ɛ́ bĩniɛ mí ɓɛ́ báa àá ɓɛ́ hã́a tĩ́ihṹ, iè hɔ̀ lɛ ɛ́ mí wo iè dìcóoní ɔ̀ Yiezu Kirisa ǹ.

Kɛ́ mí bòo ɛ́ ɓen sɛ̃̀ à Kirisa ǹ, ɛ̀ mì iè Abarahaamu hũn nìɛ. Ɛ́ mí wo ɓén yí hɔ́ bòo lɛ ɛ́ Dɔfĩn ɛ́ hàarí lɛ́ mí ɲunù nɛ mí ɓén lɛ́ ɓà ǹ.

Hɔ̀ wɔ́ kɛ̀amu, ɛ́ hɔ́ dúɓɛ́rɔ́ lɛ ɛ́ Dɔfĩn ɛ́ hàarí lɛ́ mí ɲunù nɛ mí ɓén lɛ́ á Abarahaamu ǹ, ɛ́ Hɔ́ ɓiɛ̀ lɛ́ ɓɛ́ nìnbirìe lɛ yí ɓɛ́ Zuifuɓɛ ǹ à Yiezu Kirisa bòo hũn. Ɛ́ hɔ́ lɛ ɛ́ ké dũmuasɛ̃̀ Dɔfĩn, ɛ́ Hɔ́ ɓiɛ̀ lɛ́ mí Mɛkɛ̃ni kie ǹ kɛ̀a bòo lɛ ɛ́ Hɔ́ dàa hàarí lɛ́ mí ɲunù nɛ mí ɓén lɛ́ lé kie ǹ.

Ké dũ kɛ́ hɛ̀rí nìnbírɔ ɛ́ yí dɛ̀ yá cã̀aní Dɔfĩn híɛhɔ́ iè hɔ̀ lɛ ɛ́ ɓàasɔ ɛ́ wɔ́ á Moyiize làndɛ́ bòo lɛ ɛ́ hɔ́ bie wɛ̀; iè hɔ̀ lɛ ɛ́ hɔ́ den wɛ̃́ lé Dɔfĩn bienù vɛ̃hṹ hũn ɛ́ nɛ làa: «À nìnbírɔ lɛ ɛ́ cã̀aní iè hɔ̀ lɛ á dũmuasɛ̃̀ Dɔfĩn ɛ́ piè ńdɛsĩ̀nlɔ́ sɔ ɛ́ ɓén lɛ́ á wé mí mɛkɛ̃nì hũn.»