Popular Bible Verses from 2 Timote 1

Share

Iè hɔ̀ lɛ ɛ́ Mɛkɛ̃n-Sãanu lɛ ɛ́ Dɔfĩn lɛ́ kie ǹ ɛ́ yí dìɛ lɛ ɛ́ wóò lɛ́ ɛ̀ kè bɛ̃un bɛ̃unlɔ́ wɛ̀. Kɛ́ lépe Mɛkɛ̃ni sɔ ɛ́ te hɔ pànkɛ́ àá lé wanminu àá hɔ́ te ɓaàrɔ́ ɛ́ wóo lɛ́ kie ǹ.

Hɔ̀pe Dɔfĩn ɛ́ te kie ɛ́ fuieniɛnin ɛ̀ hɔ̀ vɔn kie nɛ ke bòo ɛ̀ sĩ̀ mí ǹ. Hɔ̀ yí ké bɔ̀werà lɛ sãa bòo hũn ɛ́ Hɔ́ dàa wɔ́ hɔ́, kɛ́ hɔ́ iè bòo lɛ ɛ́ Hɔ́ temu wɛ ɛ́ mii wé. Ɛ́ lé iè hiì ɛ́ Hɔ́ wɔ́ àá kie pɛ̃̀hṹ lɛ kɛ́ lé dímíɲɛ́ ɛ́ dàa ɲɛùn mí, kè ńcɛɓánlɔ́ àá ɔ́pe Yiezu Kirisa bòo hũn.

Ɛ́ sí iè hɔ̀pe ɛ́ ń dàa ɛ́ kɔ̀ liení nɛ hɔ hɛ̃mù bòo lɛ ɛ́ kɔ́ hàarí yú Dɔfĩn viì lè yìi lɛ ɛ́ ǹ dàa bɔ̀ niǹ níhĩ́ kɔ̀ lɔ̀n ɛ̀ ǹ hɛ̃nnɛ hɔ̀pe Dɔfĩn ɛ́ lɛ́ kɔ ǹ, ɛ́ kɔ́ ɓɛ́ɓɛnin ɛ̀ dàá wookɛ tɛ́ hɔ̀pe Dɔfĩn tɔnlɔ́.

Ɛ́ kɔ́ bí wóo lɛ́ ɛ̀ kè Ɲunsɔ bòo bierɔ́ lùwiè ɛ̀ ɓaà kɔ wɛ̀; ɛ̀ kɔ̀ lò bí wóo lùwi niǹ bòo hũn, ǹpe lɛ iè ɔ̀ kɛ̀sí nùún kè Ɲunsɔ bòo hũn. Kɛ́ kɔ́ den tɛ̀ ɛ̀ kɔ̀ lɔ̀n ɛ̀ páaní be àá mi lè Bentĩnu bòo hũn kɛ́ kɔ́ bɔ̀ kɔ̀ tĩì hɔ̀ pànkɛ́ lɛ ɛ́ Dɔfĩn ɛ́ wóò lɛ́ lɔ̀n.

Ɛ́ sí iè pehɔ̀ bòo hũn ɛ́ ń dàa wi lepe lɔ̀nbiè lɛ hũn. Kɛ́ ń den yá lùwi iè hɔ̀ lɛ ɛ́ ń dũ a lɛ ɛ́ ń dũmuasɛ̃̀ nin, ɛ̀ ǹ lò dũ sãa sãa kɛ́ á dàa hɔ pànkɛ́ lɛ ɛ́ ɓɛ́ɓɛ́ hɔ́ bòo lɛ á dɔ́ niǹ núnú hũn fúu ɛ́ vɛ dɛ̃ hɔ lìe lènlɔ́.