Popular Bible Verses from ESAY 51

Share

Diŋ ndi, ndi diŋ je teŋ nen ɓay no. Joŋge joŋge ga ndo fer joŋ hẽẽne doo je táabay maga huu go, noga doo je ni Adam maga wo de ngaɓge boŋ de fíi mo la?

Ndi hã wããre ɓin wo mo jage, day ndi raw hul doo ɓi ne ndo ti, ndi maga ndi hay cor fẽẽre wo nen ngel ma ciŋ, ndi hay ɓoʼ wer tamsiri day wii jar Siyoŋ wo ga : Nday diŋ jar mani ɓin wo mono.

Coʼ we sug ɓi, nday maga nday de ko mo ma keɗedn mono, nday jar maga jag liŋgi ɓin le jiili ɓay mono! Joŋ we sõõre mo maga jar téebeere kaŋn wo ne nday ti mo wa, daɗ we doo lasge maga á las wo nday de ɓe mo wa.

Doo kay nono, Manwur teŋ ge nen Siyoŋ yaŋ, á ko ge decoo tabul ɓen wo yaŋ, kol ge puuli ɓen yaŋ go doo Eden nono, kol ge laale ɓen yaŋ go doo pay sugnee mani Manwurn nono. Feg wo de fruygi joŋ ge wo yaŋ ɓil ɓe, à laa ge gẽẽge jõõ wo yaŋ de siŋ wo ni.

Doosen no sono, jar maga Manwur yãã ra le go fer ge wo yaŋ le, day a ge wo yaŋ Siyoŋ de siŋ blum jage, fruygi ma tum joŋ ge yaŋ ti ɓaara doo gawraŋ nono. Feg wo de fruygi yaʼ ge wo yaŋ le, lawge wo de ndumgi maŋ wo wer yaŋ wo go de ɗeere.