Popular Bible Verses from ESAY 1

Share

A we le naa lag cag reen ɗa, Manwur wãã nono. Ɓlagge ɓayn mo hay bà wo de sẽẽ yiŋyiŋ yaw, Á kol wo yaŋ go de puy doo húulì-baa nono. Á mo hay bà wo de sẽẽ doo gir no yaw, Á kol ge wo yaŋ go de puy doo mbaaraw no.

Hayga nday ɗig we ga nday yãã jag yaŋ no, Nday re ge fẽẽre ma de el maga joŋ wo ɓil sirn la yaŋ.

Had we joŋ de el no, Kiɗ we diŋ fen ma ti faage ɓe no. Fer we je joŋ bon jarn le ti faage ma de el no, Fer we nen mo mani wel holgen nene, kay we ti wãy dewur no.

Ama hayga nday day we gà hayga nday joŋ ti graŋ we go no, Moslam baa ge jag yaŋ ne nday see werga jag Manwur hay wããn go.

Yog we go, fãã we see ɓay go, Caa we wer hun ma nen joŋre ɓayn wo go pel ɓi, Men we joŋ ɓlagge go.

De maga nday horge doo ɓay ciŋ mono, Ndi mbuɗ nen ɓi go. Hayba de maga nday yaʼ wer tosge ɓayn wo debaŋ mo yaw, Ndi laa ra gà werga doo ɓay wo de id húulí.

Men we age de fẽẽre hãge ɓay ma bay blamn wo : Trusan joŋ yeɗe me, fruygi kol ge few ciŋn wo, Saban wo de tayge ɓayn joŋ wo see ne ndi, Werga ndi kãã ma ko kurwuy ma de tay nen de debaycõõren gà.

Bloodày de ko je ɓe no, gerhẽẽ de ko ngel maga jar wãã wããre ɓen lag wo hõõ ne hẽn ni mono, Ama Israyel bay de ko mopo wa hase jar ɓin bay wo laa wer mopo wa.

Ndi de caa hee de fruygi kolge few ciŋn wo de wur few ɓayn wo, Á wo see ɓi diŋ põõre, ndi gay we doo soɗ rage.