Popular Bible Verses from Abharuumi 10

Share

Omusango ogwo ni ati, ukatogora mu‑kanwa kaawo omwene ati, “Yeesu ni Raatabhugenyi,” na okwikirisya mu‑mwoyo gwawo ati Nyamuwanga ꞉aamusuuruuye okusooka mu‑bhafuuwe, urichungurwa na Nyamuwanga.

Omuunu akeekirisya Yeesu Kirisito kwa omwoyo gwaye, kaabharwa okubha omurengeresi imbere ya Nyamuwanga. Aakatogora eriikirisya ryaye kwa omunwa gwaye, kaachungurwa.

Kurwa ejo, abhaanu abhatura okwikirisya Kirisito araabha bhaakoongwa emisango inguru yaaye. Nawe abhatura okuungwa era emisango ejo araabha jikaraasibhwa.

Ebhikaame Ebhyeru ebhyayika ati, “Bhuri muunu unu kaamwikirisya, atariiswasibhwa wuri.” Emisango ejo ejeeresya ati itari‑wo isoroore agati ya Abhayawudi amwi bhanu bhatari Bhayawudi. Ari‑wo Raatabhugenyi umwi era ku‑bhaanu bhoone. Omwene ni wa kisi muno ku‑bhaanu bhoone bhanu abhamusabhwa. Rwa kutyo Ebhikaame Ebhyeru ebhyayika ati, “Bhuri muunu unu kaasabhwa kwa okwiyikanya risiina rya Raatabhugenyi, arichungurwa.”

Ka wone, abhaanu abhatura kutiki okuja okuraasya emisango ejo araabha bhachaariga okutumwa? Rwa kutyo Ebhikaame Ebhyeru ebhyayika ati, “Okukinga kwa omuunu unu kaareeta Emisango ja Ekisi, kurikondisyaga abhaanu bhanu bharimutegeresya!”

Woori, abhaanu abhatura kutiki okumusabhwa araabha bhachaariga okumwikirisya? Ka wone, abhatura okumwikirisya kutiki araabha bhachaariga okuungwa emisango jaaye? Abhatura kutiki okuungwa emisango jaaye araabha omuunu achaariga okubharaasisya?

Kirisito ꞉aakuumisiisye ebhiraagiro bhyone bhya Muusa, korereki abhaanu bhoone bhanu abhamwikirisya, bhabharwe okubha abharengeresi imbere ya Nyamuwanga.