Popular Bible Verses from Revelesen 6

Share

Sarei, pavrni, nla hus iamk ihahalauas, kala dui ilak aranan, nahan iv'i M'ien, kala ti mlin na nut m'ertu im'a isapei. Atu nut hua anr a ti aparp m'ertu ipamk arna nki ipav'a nakl arna nadep'. Aparpr a talei m'a m'em'erien m'a m'ien m'a si dm avlak arna nadep'.

Sarei, pavrni, nla hus tva iamk kala dui ilak aranan iua tenpauei. Atu manu p'as ani, laha hin iv'el a ti ipan naur karp nut istudau.

Naran iela nilm'a luk, nla m'im'ilr m'ertu atrp sarar sena ti avuada v'nenan Atua kavp'tir kavvrp'ep'ei. M'im'ilr lera avlak a nv' nev'etet.

Kavv'ara eia a nadl lil kavvr ti a, “U Mlin Lil, Nakm kp'as kav'i v'nen dau. ?Kam'em' p'vtrahh ipaier v'aran a ti pav'ana hua m'er m'ertu avlak arna nadep', kutakm anr sena ti avani ti dim'em' irarev'?” Laha, atup'sev' a klus tva anr udlani, kavr anr kavr ti apavrnrn hir ipasusupa ipaier naran apavrpep'n sera m'ertu udlani ipanap'ar avv'i m'ertu na m'akarienan Atua, kavv'i tv'alr.

Sarei, nla hus uraur, iv'i m'im'iel, iv'el. Atu nut hua a dui ilak aranan a ti ipalev'la tamat arna nadep', a ti m'ertu apavrpep'n hir, katu tali lil ani.

Sena ti itier sera napn lil na nl reran. ?Hin ak irndu ti ipap'tir?”

Laha, nlei naran iela lm'sei na luk. Sarei, pavrni, nami imi ilil, neiel ima kadam't inep'a selpak aani a nila p'ak nani m't, nal ima kanep'a nadei. Msi arna p'knaran avrars arna nadep', inep'a ti nava p'alak iam'am'd irs a nadep' naran nalen lil irpi.

Laha, naran iela nitla luk, nrn nitla sei isilv' ivr ti a, “Pama kalei.” Sarei, pavrni, nla hus iamk, iv'i m'tm't, kala dui ilak aranan iua skel al lm'an. Laha, nrn nadl iamk idan arna p't nut nar sei iv'a avsilv' hara, kavr ti a, “Panikin na uit iamk aani ipav'i p'ret, ulien nen iv'i ruplet iru, panikin na pali iamk ulien nen iv'i ruplet iru. Mautakm a ueil m'a naui m'iel.”

Laha, p'knaran iruh, inep'a nut alelha pas inap'ei. Ptha udlani m'a v'anu papa udlani avruh a m'lnar. Laha, mlin lilil udlani arna nadep', m'er m'ertu lilil, m'ertu siar istudau, mlinar m'rnur m'er m'ertu nut huar ilil, m'ertu na m'akarien udlani m'er m'ertu dau udlani, avtutuah al navap kavtutuah a tah nav'et iter arna ptha.