Popular Bible Verses from Ap'u 50

Share

Kam'i kvv'ah ti pavutakm a kana, v'eti a Mlin Eia iani ima kav'i si p'as, sena ti ipamhmah a silv'ienar m'ertu ipanelnal, la avsilv' dika sena sei ittu sera hin ha.

V'eti a Susev' ivr anr kavr ti a, “Mavdedrn ki. ?Kvv'ah ti nlak a m'lnen a Mlin Eia?

Sena si lera hilaha mavdedrn, kana p'ep'aur kam'i m'er armardelam'i.” Inap'i lera iv'ana mhmah m'er kani nlr ip'as.

‘Kam'i pavvr an a Susev' kavvr ti a, “Nvrdaui, pamhmah a si stuar tv'alm m'a si avani iap'as, sena ti avan si stu anh.” ’ Hilaha nvmiman anh, pamhmah a si stuar arm'ertu na parian Atuan a tetiam.” Naran avvr si lera ani, a Susev' itakal.

Hin a Susev' ivr anr tv'aln kavr ti a, “Kana p'am'a, v'eti a Mlin Eia ipama asnm'i kalev'la kam'i arna nadep' laha kauirv'a kam'i arna nadep' la ituran ani asn a Epraham, Aisak m'ei a Sikup ha.”

Laha, a Susev' iani ti a natn a Isrel avturan kavvr ti a, “A Mlin Eia ipama asnm'i kamhmah a kam'i pr. Naran lera, pavua suk dan atlaha (kavuirv'a a Kenan).”

Hin a Susev' im'a naran paian inelnal iv'amk pln inal (110). Laha, avsiser p'akn kavtaui al pukis a Itsip.