Popular Bible Verses from 1 Pedro 3

Share

koñeĩpo, pyndypyaivive pemombaishu Cristo Teja rãĩmi. Tantakatupẽĩ pembohovai verã pyrãnduhape pyharõpeĩva reherã. Tẽvã pijapo peñemomishĩvape hareka ñee henduvape. Piko pypyavapy ryheve, hãrãpo ijeta porãmbahea pyndyreko kavi ĩmepyreva Cristo pirojaherã, ĩñe'ẽkue rehe ñymymarãka retakui.

Shara Ñandeja hesare ñono'ẽhe hekopekavi'ia hareka japysare hendu jurureshurã, tẽvã Ñandeja ñymbyvaishohe porãmba japo'iare”.

Avy yngavare hesha veraĩ piñymymashyã, opaisharei ijakatuva, ita vera mashyãvapy maĩrã mondeava hehepyva. Katynga pymymashyãpo pyndypya ñemiãpe'õ mbai haikaviva ñymbaimba, espiritu pyryhaihuva hareka pyavapyva ryheva, hokava rãnga haikavi Tũpa hỹnonde.

shara: “Hykove pota haihuva hareka ara kavi pota heshava, avy tijeta porããhe yngava hareka avy añetembava tymbeu, tyheja mbai porãmba hãrã tijapo haikaviva. Tyheka pyavapy hareka tiñyhãã tingarekohe.

Koñemahea pikojipive pentepyape, pipareko, pijyhaihu pente'ovare rãĩmi. Pypya kavi hareka avy pijijapo. Avy porãmba japo pyndyreheva, porãmbavaĩ pijapo jyvehe, ĩme'ẽ poshypearã avy ndyposhy jyveshu, kyrãte verã pehovasashu ñeekavipe, shara ha'erã ñanyrẽnoha japity verã ma'ẽãkavi ñandyrehevape

Hãrã, mbavarapo porãmba japo pyndyrehe, potañoĩ pijapo haikavivarã?

tyheja mbai porãmba hãrã tijapo haikaviva. Tyheka pyavapy hareka tiñyhãã tingarekohe.

Tũpa kyrã potarã, haikavive jahasa'asyhe mbaikavi jajaporã, porãmba jajapotẽ verã vekuaivi.