Popular Bible Verses from 1 Pedro 2

Share

Tẽvã pee hai Tũpa pyhyrõva, huvisha vasu jypai, tenta vasu kyambaa, kuareta Tũpa ña'ãpova rupii, mbeu verã Tũpa japo vekua, pynyrẽno pyntuivi pẽhẽ verã hareka piche verã sapeva haikavivape.

Haiteiva opa raha hetere mbai porãmba kurusure, ñamanoma verã mbai porãmbape hareka haikavivape jaikojy verã. Hai mbyperehavapy pykuerajy. Arykai rãnga avishare kañyva rãĩmipi, tẽvã ã'ẽ peijy jykoty avisha ñyngareko'ihea hareka pyndykove ñyngareko'ihea.

Aryka'e rãnga ha'eãmbape Tũpa henta'ĩrũ ryheva, tẽvã ã'ẽ haimape Tũpa henta'ĩrũrã; aryka'e mba'ety pyndyparekova, tẽvã ã'ẽ Tũpa pyndypareko.

Pyheka kamby kyambava sanjayre hãĩrãã oava rãĩmi, kyrãpo pyheka ñee añeteĩteva Tũpaivi, kyrãrãpo pykuakua peho hareka pehojepekui.

Shyryvyre airure pee, kuaahambava hareka oho'iva rãĩmi, pijyjokoshi pyndyroo potava, pykove ñyrãrõ hãndiva. Piko kavi jyve Tũpa rojambavare mbyteipi; hãrã ijeta porãmba'i pyndyreheva mbai porãmba pijapopiva rãĩmi, heshajy pyndyrehe mbai kavivaĩrã õmombaipo jyve reta Tũpa.

Pee jyve, ita hykovevare rãĩmi Tũpa mupuãheva oo Espiritu ryheva hareka pee hai paire kyambaa hokava tũpaope, mymba jukahava espiritu ryheva meẽ verã Tũpa myvãhẽva Jesucristo rupii.

Pyheja opaite marãrãngatuva porãmba vekuare, japukue, hova mokueva, hapishatambaa, hareka ñee porãmba vekuaivi.

Pimbojahe, Ñandeja Jesucristore, ita hykoveva kuaretare mbijiche vekua, tẽvã Tũpa pevarã hai pyhyrõãva hareka mashyãva.

Piko kuareta mbaimbaa jocha'õ rãĩmi, tẽvã hoka rehe avy pijapojy mbai porãmba. Piko Tũpa jokuereva rãĩmi.

Shara kova hai Tũpa potava: Mbai kavivaĩpo pijapo, kuareta mbaimba kuaava hareka mbaimba kuavare mba'etyre verã hei pyndyrehe verã.