Popular Bible Verses from Mafunukuliko 8

Share

Ni pala akakidindwili kyakukomelela kya saba, kikayili kinunu kunani ngati nusu ya saa.

Ni wakutumbula akakuwiti mbata, ni fikapatiti kuya baho fula ya maganga nu mwoto, wakuhasangana nu mwasi, ni fikalekelakiki mu ndima: ni lilundu lya kadatu lya ndima likatinyasiki, ni lilundu lya kadatu lya mikongo likatinyasiki, ni linyasi lyoha liwisi likatinyasiki.

Ni nikaweni, ni nikayufwini kapungu, yiwuluka pagati pa nyingalila, kujowa ni njwawila ngulungu, Yoyo, yoyo, yoyo, kwa wala wakuhwela pa ndima, kwa ndawa ya njowelo sya kusigala sya mbata sya wakamalaika wadatu, wala nawombe wakona nukukuwa.

Ni malaika wa kawili akakuwiti mbata, ni ngati kidunda kikulungu kya kutinyika nu mwoto likalekeliki mu nyanja: ni lilundu lya kadatu lya nyanja likapatiti kuya mwasi

Ni malaika wa kadatu akakuwiti, ni lukagwili lutondo lukulungu kipitile kunani, lwakutinyika kihwanakiso kya mwenge, ni lukagwili pa lilundu lya kadatu lya mikuka, ni pakulapukila machi; ni lihina lya lutondo lula lukemeleka Absintho: ni lilundu lya kadatu lya machi likapatiti kuya absintho; na wandu wingi wakafwili pakunywa machi gala, pakukita gakawawasiki.

Ni malaika wa ncheche akakuwiti mbata, ni lilundu lya kadatu lya lijuwa likaliwatiki, ni lilundu lya kadatu lya mwesi, ni lilundu lya kadatu lya ndondo; nausi lilundu lya kadatu lya isi lilekalike lwisi, ni musi usilasika pa kwelu lilundu lyake lya kadatu, ni kilo wiwilawila.