Popular Bible Verses from Hebrayo 11

Share

Ni kiyitakiso kiyii utamo wake wa findu fila fihuwalalika, kya kupisa kyake fila nakulolaleka. Pakuya pa iki wakuluwakulu wakalasiki kwawe ulungamakiso.

ni pangali kiyitakiso kyangahotoleka kunganila yombe: pakuya uyu amchilila Mulungu nakulekeka kukela kukita ayii baho, ni kukita ayii wakuwalipila wala wakundondandonda.

Kwa kiyitakiso tiwalalila kukita miaka yikawikiki ni lilowe lya Mulungu, mpaka kya kuwoneka kipatiti lepa kuya kipitile fya kuwoneka.

Kwa kiyitakiso Ibrahim, pakakemaliki akayitakili kuluta kiyingalile pandu pala yapayupe baho lipwela: ni akapititi, pangali kumanya uku aluta kuku. Kwa kiyitakiso akihadisi pandu pa ndima wa kilago, ngati pa ndima nukuya wa mwene, kutamasika pa mahema pamonga nu Isaak nu Yakobo, wakuyingila lipwela pamonga nuyombe pa kilago kikilakila

Kwa kiyitakiso Noah pakakiliki nu Mulungu panani pa findu fyakona kuloleka, pa kukamulika nu woga wake Mulungu, akawikili ngani ligalawa kiyingalile pa uyokosi wa nyumba yake; kwa iki akaupisiti ndima uwu uwifu, ni akapatiti kuya wakuyingila lipwela pa ugolofu wula uyii kwa ndingo wa kiyitakiso.

Kwa kiyitakiso Enok akatoliki pangi, asiwona kufwa; ni akakolaliki lepa ndawa Mulungu akantoliti pangi: ndawa akona nukutoleka, akalasiki ulungamakiso kukita amaliti kunganila Mulungu

Kwa kiyitakiso Habil andekalili Mulungu nyambiko yinofu kulutila ya Kain, kwa iyi akalasiki ulungamakiso kukita ayii wakugoloka, Mulungu kilasile ulungamakiso kwa fiyetulo fyake: ni kwa iyi, haka afwili ngani, ayii kilongalile.

Kwa kiyitakiso haka Sara akayupiti mbafu kuyima luleme pakuluta lukumbi lwake, pakuya akambalingi wakukeleka uyu akakiti kilago

pakuya akalindalili likaya lyakuya ni fyakukungika pasi, ili wakulitumbulisa ni wakulipanga yuyu Mulungu.

Kwa kiyitakiso Musa, pakakuliti, akakaniti kukemeleka mwana wake mwana ndala wa Farao; kuhagula koma kukitika fiwifu pamonga nu nsafi wa Mulungu, nukuya kuyangala ni sambi kwa lukumbi; pakawalingi kudogeka kwake Kristo kyuma kikulungu kulutila fibani fya pa Egupto: pakalolili fila fikilawusila fya njombe. Kwa kiyitakiso akawukiti pa Egupto, nukuyogopa kufyoma kwake mutwa: pakuya akakangamili ngati wakumbona uyu nukuwoneka.

Kwa kiyitakiso Ibrahim, pakugeseka, akalekili Isaak nyambiko: ena, uyu akayupiti filago kihekalile akayili mu kundekela mwana mundu wakape nyambiko

Kwa kiyitakiso Rahab wa kiyaka akatagiki lepa pamonga na wala wangayufwana, pakakemelakisi wakusela ni kindamba.

Kwa kiyitakiso wakalutiti pa Nyanja ngele ngati pa ndima; iyi wakayigesili wa Egupto wakamiliki.

Kwa kiyitakiso maluwumba ga Yeriko gakagwili pasi, apa gakasyungusiki magano mhano ni gawili.

Kwa kiyitakiso akalikiti pasaka, ni kulapulila mwasi, nausi wakuwayananga wana wa kiwele asiwakwafya.

Kwa kiyitakiso Yosefu, mu kumalakila, akakokwisi kuluta kwawe wana wa Israel; ni akatawiki ya mafupa gake.

Kwa kiyitakiso Yakobo mu kufwa akawapili wana wa Yosefu ayi yoha kihomo; ni akagwili‐kimbo pa lusongo lwa nkongocho wake.

Kwa kiyitakiso Isaak akawapili Yakobo nu Esau kihomo, haka pa fila fiyii mu kuhicha.