Popular Bible Verses from II Thessalonike 2

Share

mundu asiwakongela kuyi kwoha: pakukita kwa waka, wona kulemiti kuhanguka palongolo, ni kufunukulika mundu wa sambi, mwana wakutagika

Leka tenga tiyii ni misigilo magono goha kunsengusa Mulungu ndawa ya mwenga, walongo wakuganika nu Bambo, pakukita Mulungu awahagwili mwenga kitumbulile pakutumbula kwa uyokosi pa kuwalasa kwake Roho ni kukela fya chakaka

yula wakwiwikila pa kipula na wakwikwesa panani pa kiyi kyoha kikemeleka Mulungu pangi kigwilika kimbo; mpaka kwitamisa pa hekalu ya Mulungu, kwilasila ngani mwene kukita ayii Mulungu.

Leka Bambo witu Yesu Kristo mwene, nu Mulungu Dadi witu uyu akatiganiti ni akatipili kunyamasa kwa miaka ni kihuwalilo kinofu pa neema, ayinyamase mioyo yinu ni kuyikangamasa pa lihengo liyi lyoha ni lilowe linofu.

Na kwa ndawa iyi Mulungu awatumila kuhengela kwa kusowesa, wakele mageya

kuhicha kwake kuyii kwa ndingo wa kukita lihengo kwake Shetani ni mbafu yoha ni fiwalalilo ni finyantiti fya mageya, ni pa kukonga kuyi kwoha kwangali ugolofu kwa wombe wayii mu kutagika; ndawa wakayupiti lepa kufigana kwake fya chakaka, nausi wayokoleke.

Pakuya kya kuhyetu kya pangali torah kikitila hino, kwakape ayili wakusiwilakisa hino apa, mpaka awusike kuwuka baho.