Popular Bible Verses from फिलिप्पियनमन 2

Share

स्वार्थ आउर झूठा बड़ाई लगिन कोनों ना करा मगर नरम भाव से एक दोसर के अपन से बगरा बेस समझा। हरेक झन अपनेहें भलाई केर निहीं मगर दोसरमन केर हों भलाई केर चिंता करा।

जइसन मसीह यीशु केर स्वभाव रहे। तइसनेहें तोहर हों स्वभाव होवोक।

मसीह परमेश्‍वर केर रूप में होई के हों परमेश्‍वर केर बराबइर होवेक के अपन अधिकार में करेक नी चाहलक। मगर अपन सोउब कुछ के छोइड़ देलक, आउर धांगर केर रूप धाइर लेलक, आउर आदमी केर बराबइर में होई गेलक। आउर आदमी केर रूप में दिस्तार होई के खुद के नरम बनाय देलक, आउर परमेश्‍वर केर हिंयाँ तक आगयाकारी रहलक कि मौत, हाँ, क्रूस केर मौत के हों साइह लेलक।

काले कि परमेश्‍वर तोहरे में काम कराथे, आउर इच्छा आउर शक्ति देवाथे कि तोहरेमन ओहे काम करबा जेकर से परमेश्‍वर खुश होवेला।

इ लगिन परमेश्‍वर उके सोउब से ऊँचा पद देलक, आउर उके उ नाँव देलक जे सोउब नाँवमन से बाड़ हेके। ताकि उके आदर देवेक लगिन जेमन स्वरग में आउर धरती में आउर जेमन धरती केर हेंठे अहैं; उमन सोउब यीशु केर नाँव से ठेहुना टेकोक। आउर परमेश्‍वर आबा केर महिमा लगिन सोउब मनवा जाइत माइन लेवोक कि यीशु मसीह हें प्रभु हेके।

सोउब काम बेगर कुड़कुड़ाले आउर बेगर बक झक केर करा। होले तोहरेमन टेढ़ा आउर बिगड़ल आदमीमन से भरल दुनिया में परमेश्‍वर केर सिद्ध संतानमन नियर साफ सुथरा आउर निरदोष जिंदगी बिताबा। जेमन केर माझे तोहरे जुग-जुग केर जिंदगी केर बचन के लेई के दुनिया में दीया नियर बरते दिसाला।

से लगिन हे मोर दुलारामन, जब मोंय तोहर संगे रहों तब तोहरेमन सोउब बेरा परमेश्‍वर केर आगया के मानते आय हा। तइसनेहें अब मोंय तोहरे से दूर अहों, तो इ आउर हें बगरा जरुरी अहे कि एखन हों उकर आगया के माना। आउर अपन-अपन छुटकारा के पूरा करेक लगिन डराते आउर थरथराते कोशिश करते रहा।