Popular Bible Verses from फिलिप्पियनमन 1

Share

आउर मोके इ गोइठ केर भरसा अहे कि परमेश्‍वर जे तोहर में बेस काम शुरु काइर हे, ओहे उके यीशु मसीह केर घूइर आवेक दिन तक पूरा करी।

आउर मोंय इ प्रार्थना करोना कि एक दोसर लगिन तोहर प्रेम, गेयान आउर सोउब रकम केर भितरी समझ सहित बढ़ते हें जाओक। ताकि तोहरेमन इ चुनाव करेक केर लायक बाइन जबा कि कोन रकम केर काम करेक उचित अहे, ताकि मसीह केर दोबारा घूइर आवेक दिन तक पवितर आउर निरदोष बनल रहबा, आउर ठोकर नी खाबा।

काले कि अगर मोंय जिंदा रहमूँ तो मसीह लगिन रहमूँ, आउर अगर मोइर जामूँ तो इ मोर लगिन आउर हें भला होवी काले कि मोंय मसीह केर संगे रहमूँ।

मोंय जब-जब तोहरेमन के याइद करोना, तब-तब अपन परमेश्‍वर के धन्यबाद देवोना।

तोहरे सिरिफ एतना करा कि तोहर चाइल-चलन मसीह केर शुभ समाचार केर लायक होवोक। चाहे मोंय आय के तोहरेमन के देखमूँ, चाहे नी हों आमूँ, तो तोहरे केर बारे में एहे सुनमूँ कि तोहरेमन एक हें मन होई के स्थिर अहा, आउर एक संग मिल के शुभ समाचार में बिसवास लगिन मेहनइत करते रहाला।

मोर दिल केर इच्छा आउर आसरा इ हेके कि मोंय कोनोवें गोइठ में नी लजामूँ, मगर मोके मसीह केर बारे में बोलेक केर हिम्मत होवोक, जइसन मोंय आगे हों काइर रहों। चाहे मोंय जिंदा रहमूँ चाहे मोइर जामूँ, मोर पूरा जिंदगी से मसीह केर बड़ाई सोउब बेरा करते रहमूँ।

इ सोउब दया मसीह केर चलते तोहर उपरे होलक कि तोहरे ना सिरिफ उकर उपरे बिसवास करा, मगर उकर लगिन दुःख हों उठावा।