Popular Bible Verses from कुलुसियनमन 2

Share

इ लगिन जइसन तोहरेमन मसीह यीशु के प्रभु माइन के ग्रहण काइर लेई हा, तइसनेहें लगातार उकर पिछे चलते रहा। आउर उकरे में मजबूत होते आउर बढ़ते जावा, आउर जइसन तोहरेमन के सिखाल जाय हे तइसनेहें बिसवास में पोक्ता होते जावा, आउर लगातार परमेश्‍वर के धन्यबाद देते रहा।

चौकस रहा कि केऊ तोहरेमन के उ गोइठमन से जेकर कोनों कीमत नखे आउर जे बेकार अहे, ना बहकाय लेवोक, जे दुनिया केर रीति-रिवाज केर मोताबिक आदमीमन केर देवल शिक्षा तो हेके, मगर मसीह केर मोताबिक निहीं।

आउर परमेश्‍वर तोहरेमन के हों, जे अपन गुन्हामन आउर पापी स्वभाव केर चलते आत्मा में मोरल रहा, उकर संगे जियालक, आउर हमर सोउब पापमन के क्षमा करलक। उ हमरे के दोषी ठहराएक वाला लिखल कागजात के रद्द काइर देलक, जे मूसा केर नियम केर चलते हमर बिरोध में लिखल रहे, आउर उके क्रूस उपरे काँटी से ठोइक के सामने से हटाय देलक।

इ लगिन तोहरे धोखा ना खावा, काले कि मसीह केर काया में परमेश्‍वर केर समूचा भरपूरी बास करेला। आउर तोहरेमन उकरे में भरपूर होई जाय हा जे समूचा शक्ति आउर अधिकार केर प्रधान हेके।

से लगिन खाएक पियेक या परब या नवाँ चाँद या यहूदी मनक आराम केर दिन केर बारे में केखो तोहर फैसला करेक ना देबा। इ सोउब नियम तो सिरिफ एगो छाँई नियर अहे, मगर असली तो मसीह हें हेके।