Popular Bible Verses from खास चेलामन केर काम 25

Share

फेस्तुस यरुशलेम शहर में उमन केर माझे लगभग आठ दस दिन रइह के कैसरिया शहर घूइर गेलक। आउर दूसरा दिन फैसला करेक केर कुरसी में बाइठ के पौलुस के लानेक केर हुकूम देलक। जब पौलुस हूवाँ आलक, तो यरुशलेम शहर से आवल यहूदी अगुवामन उके घेइर लेलैं, उमन ठड़ाय के पौलुस केर उपरे ढेइर दोष लगाएक लगलैं, जेमन केर सबूत उमन खुद देवेक नी पारलैं।

पौलुस अपन बचाव में जबाब देलक, “मोंय ना तो यहूदी मनक नियम केर बिरोध में कोनों गुन्हा काइर हों आउर ना यहूदी मनक मंदिर केर, आउर ना महाराजा केर बिरोध में कोनों गुन्हा काइर हों।”