Popular Bible Verses from 1 कुरिनथियनमन 2

Share

जइसन कि पवितर किताब में लिखल अहे, “जे कहियो आँइख से दिस्तार नी देलक, आउर जेके केऊ कहियो नी सुनलैं आउर केऊ कहियो नी बुझलैं, ओहे बेस चीजमन के परमेश्‍वर अपन से प्रेम करइयामन लगिन तेयार काइर हे।”

मगर काया केर मोताबिक जियेक वाला आदमी परमेश्‍वर केर आत्मा केर सच्चाई के ग्रहण नी करेला, काले कि उकर नजइर में इ सोउब बेकार गोइठमन हेके। उ इ गोइठमन के नी बुझेक पारी, काले कि इ गोइठमन के सिरिफ ओहेमन बुझेक पारबैं, जेमन में परमेश्‍वर केर आत्मा रहेला।

परमेश्‍वर इ गोइठमन के, हमरे यीशु मसीह केर चुनल खास चेलामन उपरे अपन पवितर आत्मा बटले दिस्तार काइर हे, काले कि पवितर आत्मा लगिन कोनोवें गोइठमन लुकल नखे, उ सोउब कुछ के जाँचेला हिंयाँ तक कि परमेश्‍वर केर मनसा के हों जाँचेला, जेके आदमीमन एखन तक नी जानैना।

इ दुनिया केर दोसर आदमीमन का सोचैना उके हमरे नी बुझिला, मगर परमेश्‍वर हमरे के अपन आत्मा देई हे जेकर से हमरे उ गोइठमन के जानेक पारब, जेके परमेश्‍वर हमरे के देई हे।

आउर मोर सिखाएक आउर मोर परचार में चतूर आउर लुभवाएक वाला गोइठमन नी रहे, मगर पवितर आत्मा तोहरे के शक्तिशाली रीति से देखालक कि जे संदेश मोंय तोहरे के बताय हों उ सच्चा हेके। इ लगिन कि तोहर बिसवास आदमीमन केर गेयान उपरे निहीं, मगर परमेश्‍वर केर शक्ति उपरे टिकल रहोक।