Popular Bible Verses from Ebhikorwa bhya Abhatumwa 20

Share

Ku-mangʼana gayo goone kutyo, ꞉naariga nimbeeresha ati kiisire kikorega emirimu eswe abheene, kyone kinyoore ebhiinu bhya okusakira bhanu bhatari nabhyo. Mukorega kutyo muyiita amangʼana ganu Raatabhugenyi Yeesu ꞉aaikire ati, ‘Nyakara okusoosha, okukira okuramira.’ ”

Nawe na woori obhurame bhwani bhutari kiinu ku-anye. Eneenda era ati nimare omurimu gunu ꞉naaramiiye okusooka ku-Raatabhugenyi Yeesu. Omurimu guyo, ni kuraasisha abhaanu Amangʼana Amajomu aga iinema ya Nyamuwanga.

Mmbe, mwiyangarire emwe abheene, mwangarire na abheejaanyu bhoone kutyo, bhanu Mwoyo Omutaakatiifu abhatuuye-ko emwe mubhe bhaangarisi mu-bheene. Murere kujomu riikanisa rya Nyamuwanga, kwa okubha Nyamuwanga ꞉aarigurire okuturira ku-maanyinga gaaye omwene.

“Woori anye noone, enibhatuura mu-mabhoko ga Nyamuwanga, na kw-ingʼana rya iinema yaaye. Riyo niryo eritura okubhakomeesha, na okubhayaanira amwi omugabho na abhaanu bha Nyamuwanga abhandi bhanu bheesiibhwe ku-nsonga yaaye.