Popular Bible Verses from MAANGMUHNA 9

Share

Hih gimna tawh a si lo midangte pen amau’ gamtatnasa panin kikhelkik nuam lo uh hi. Dawi a biaknate uh, khua a mu thei lo, khua a za thei lo, lam a pai thei lo ngun, kham, sumngo, suang, le sing a kibawl milim a biakte uh khawl tuan lo uh hi. A mi thahna, a aisanna, a paktatna, le a guktaknate uh zong khawl tuan lo uh hi.

Tua meikhu sung panin kauphete hong pusuakin leitungah pai uh a, momaite’ neih bangin a gupha mahmah amaute tungah a kipia hi. Amaute in lopate, singkungte a kipan a hing khat peuhpeuh bangmah cih loin, a taltang uhah Pasian’ ciaptehna a om lo mite bek a gimsak nadingun thu a kipia hi.

Tua ciangin a ngana vantungmi in a peengkul hong tum a, vantung panin leitungah aksi khat a leengsuk ka mu hi. Tua aksi tungah kuahawm thukpi honna tawhtang a kipia hi.

Amaute in tua bang mite that loin kha nga sung a bawlsiat nading uh thu kipia a, amaute’ bawlsiatna pen momai in mi a deh ciangin a na tawh kibangin a na velval ahi hi.

Amaute in tua kuahawm thukpi a uk vantungmi pen kumpi-in nei uh a, tua vantungmi a min pen Hebru pau-in Abaddon hi a, Grik pau-in Apollion hi a, “A Susia pa,” a cihnopna ahi hi.