Popular Bible Verses from MAANGMUHNA 8

Share

Tuuno in ciaptehna sagihna a hon ciangin vantungah nai lang sung bang kidai dide hi.

A masa vantungmi in a peengkul hong tum a, gialpi le mei, sisan tawh kihelin leitungah a kiasuk hi. Leitung sehthumsuah sehkhat, le lopa hing sehthumsuah sehkhat a kangtum hi.

Tua ciangin ka khuadak leh vankim lai-ah muvanlai khat a leenkawmin nakpi-in ham a, “Vantung mi adang thumte in a hong tum lai ding peengkulte hangin leitungah a teng mi tungah gimna, gimna, gimna lianpi hong tung ding hi,” a cihna ka za hi.

A nihna vantungmi in a peengkul hong tum a, mual lianpi tawh a kibang, mei in kangin a kuang zuazua khat, tuipi sungah kilawnsuk hi.

A thumna vantungmi in a peengkul hong tum a, vantung panin aksi lian khat meikuang bangin hong kiasukin gunte le tuinakte sehthumsuah sehkhat tungah a tu hi. Tua aksi a min Gamsai hi a, tui sehthumsuah sehkhat gamsai tui suak a, tua tui khasak ahih manin a dawn mi tampi tak a si uh hi.

A lina vantungmi in a peengkul hong tum a, ni sehthumsuah sehkhat kisatkhia-in, kha zong sehthumsuah sehkhat mah kisatkhia a, aksi zong sehthumsuah sehkhat mah kisatkhia ahih manin a taanna uh sehthumsuah sehkhat ciat a bei hi. Sunin hun sehthumsuah sehkhat tang khua vak lo a, zanin zong hun sehthumsuah sehkhat tang mah kha le aksi taang lo hi.