Popular Bible Verses from MAANGMUHNA 14

Share

Tua ciangin vantung panin awging khat ka za a, “Tu a kipanin Topa thu-ah a si mite mi hampha mahmah ahi hi, cihna gelh in,” a ci hi. Tua ciangin Kha Siangtho in, “Hi takpi hi. Amaute’ nasepna thaman in amaute zui ding ahih manin a nasep gimna panun tawlnga-in nuamsa-in om ding uh hi,” ci-in a dawng hi.

Pasian’ thupiakna zui-in Jesuh tungah a citak Pasian’ mite a dingin thuakzawhna kisam hi.

Amah nakpitakin kiko a, “Amah in mihingte thu a khen ding hun hong tungta ahih manin Pasian kihta unla amah phat un. Van le lei, tuinak le tuipite a bawlpa hong bia ta un,” a ci hi.

Tua ciangin vantungmi a thumna in a masa tegel hong zui leuleu-in nakpitakin, “Tua ganhing le a lim bia-in a taltang ahih kei leh a khut tungah ciaptehna a ngah mi peuhmah in, Pasian’ leenggahzu zong dawn ding uh hi. Pasian in ama hehna ahi leenggahzu khauh pen ama hehna hai sungah a dimtakin sung khinzo ta hi. Tua bang mite pen a siangtho vantung mite le Tuuno mai-ah meikuang le kat khu tawh gimna kipia ding hi. Amaute a kibawlsiatna mei, khu tawntung a, ganhing le a lim bia-in, a min kigelhna a nei mi peuhmah in a sun a zanin tatsat loin gimna thuak paisuak uh hi,” a ci hi.

Tua ciangin ka khuadak leh Zion Mual tungah Tuuno a dingin a om ka mu hi. Amah tawh mi tul za le tul sawmli le tulli dingkhawm uh a, tua mite’ taltangah Tuuno le a pa’ min kigelh hi.

Tua ciangin leitungah a teng mi namkim, pau namkim a zang mite tungah a tawntungin Lungdam nading Thu gen ding a nei vantungmi khat vankim lai-ah a leeng ka mu hi.

Tua ciangin vantungmi a nihna in hong zui a, “A Lian Babylon khuapi kicim, kicim! Amah a huk a lanna leenggahzu, mi khempeuh tungah pia-in khamsak a, gimna thuaksak hi,” a ci hi.