Popular Bible Verses from PAUNAK 4

Share

Na lungsim ngaihsutnate nuntakna nak hi a, na neihsa a manpha pen bangin na kep ding ahi hi.

Na khatpeuh na sepna thu theitel in. Tua hileh na nasep peuhpeuh maavang ding hi.

A man lo thu gen ngei kei inla, zuauthu le a kiza khial thei ding kammalte zang het kei in.

Pilna na ngahna ding a thupi masa pen hi a, na neih khempeuh na beilawh zongin na zon ding ahi hi.

Ahi zongin thuman mite’ zuih lampi ahihleh sun dong a taang pha semsem zingsang khuavak tung tawh kibang hi. Migilote’ lampi ahihleh zan khuamial bangin mial a, amaute a tuksak, a suihkhakte nangawn mu thei lo uh hi.

Pilna nusia kei in; tua hileh siatna panin nang hong hu ding hi. Pilna deih in; tua hileh lungmuang takin na om nadingin hong kem ding hi.

Hong kihilhnate lencip inla, khahsuah kei in. Na nuntakna ding ahih manin limtakin zui in.

Migilote tawh kikhawl kei inla, amau’ gamtatnate zui kei in.

Tate aw, na pa uh’ hong hilhnate ngai unla, thu na teltheih nadingun limtakin ngaihsun un.