Popular Bible Verses from PAUNAK 3

Share

Na lungsim khempeuh tawh TOPA muang inla, nang’ theihna suang kei in. Na hihna khempeuhah amah phawk in. Tua hileh lampi man amah in hong lak ding hi.

Nangmah a pilin kingaihsun tawm kei inla, TOPA zahtakin a sia peel in.

Na neihsa le na anpalte tawh TOPA zahtak in. Tua hileh na ansalte an tawh kidim ding a, beel dimletin leenggahzu na nei ding hi.

Thumanna le cihtakna khahsuah ngei kei inla, na ngawngah tuate okin, na lungtang tungah gelh in.

Ka ta aw, TOPA’ thuhilhna limtakin ngai-in, hong tainate thudon in. Bang hang hiam cih leh pa in a pahtak a tapa a thuhilh bangin TOPA in a it mite a thuhilh hi.

Ka ta aw, kong thuhilhte mangngilh kei inla, kong thugente phawk tawntung in. Kong thuhilhte in na khan hong sausak ding a, hong daupaisak ding hi.

Pilna nei-in thu a thei mipa, a lungdam mi ahi hi. Pilna nei leeng ngun sangin hoihzaw a, kham sangin zong manpha zaw hi. A manpha pen suangmanpha nangawn sangin pilna manpha zaw lai a, mihingte’ deih theih na lakah tehpih theih ding om lo hi.

Na hihzawh ding ahih nakleh midangte’ kitangsapna huh tawntung in.

TOPA in pilna tawh leitung bawl a, a theihtelna tawh vantung a bawl hi.