Popular Bible Verses from MATTHAI 24

Share

Gitlohna khang mahmah ding ahih manin ki-itna hong kiam ding hi. Ahi zongin a bei dongin a thuakzote in hotkhiatna ngah ding uh hi.

Tua ciangin mi khempeuh tungah teci ahi dingin Pasian’ hong ukna hangin a lungdamhuai thu, leitung khempeuhah kihilh ding hi. Tua khit ciangin beina hong tung ding hi.

A nai, a gamla-ah galkidona thu na za ding uh hi. Hihte a piang mah ding hi a, ahi zongin a bei nading hi nai lo ahih manin patau kei un.

Gam khat le gam khat, kumpi khat le kumpi khat hong kido ding a, mun tuamtuamah kialpi hong tungin, zin hong ling ding hi. Hihte khempeuh pen gimna kipat nading hi pan hi.

Van le lei a maimang zongin ka thugente maimang ngei lo ding hi.

Bang hang hiam cih leh keimah a kineih mi tampi hong pai ding a, ‘Kei, Khrih ka hi hi,’ ci-in mi tampi tak umkhialsak ding uh hi.

“Tua ciangin note hong kibawlsia-in hong kithat ding a, keima hangin Gentail mi khempeuh in note hong mudah ding uh hi. Tua hun ciangin mi tampi in a upna uh khahsuah ding a, khatlekhat kimudahin khatlekhat kilehhek ding uh hi. Kamsang kineihkhem mi tampi hong piang ding a, mi tampi tak umkhialsak ding uh hi.

Jesuh in amaute kiangah, “Kidawm unla, mite’ khemsa-in ta kei un.

Tua ahih manin Mihing Tapa zong, note’ upmawh loh hun laitakin hong pai ding ahih manin note zong na kiging tawntung ta un.

Tua ahih ciangin bang hunin na Topa uh hong pai ding cih thei lo na hih manun na pilvang un.

Ahi zongin a ni le a nai hun ding pen kuamah in thei lo hi. Vantungah a om vantung mite ahi a, Tapa nangawn in ahi zongin thei lo a, Pa Pasian bek in thei hi.

Bang hang hiam cih leh Khrih a kineihkhemte le kamsang a kineihkhemte hong piang ding a, ahih zawh leh a teelsa mite nangawn a khem nadingun lim le nalamdang lianpipi hong bawl ding uh hi.

Noah hun lai-in up hun lohpi khatin tuiciin a tun bangin Mihing Tapa zong up hun lohpi khatin hong pai ding hi. Tuiciin a tun ma hunin, teembaw sungah Noah a tum ni hun ciang dong, mite in anne zune-in om uh a, mo kipi, mo kikha-in nuntak ngeina bangin om uh hi. Tuiciin hong tungin tui in mi khempeuh a tupcip hun ciang dong, kuamah in bangmah a theih loh mah bangin Mihing Tapa hong pai ciangin zong kuamah in theikhol lo ding uh hi.