Popular Bible Verses from THU HILHKIKNA 11

Share

Na tate uh tungah na hilh ding uh a, na innsung uhah na lut laitak, lampi-ah na pai laitak, na lup ciang uhleh na thawh ciangun tuate genin na nei ding uh hi.

“Tua ahih ciangin hih ka thugente na lungsim uhah ciamtehin na ngaihsun ding uh hi. Na khut tung uhah lim dingin na khih ding uh a, tuate pen na mitte uh kikalah talsuan hi ding hi.

“TOPA na Pasian uh itin, na lungsim khempeuh uh le na nuntakna khempeuh uh tawh ama na na sep nadingun tuni-a kong gen ama thupiaknate na zuih uhleh, na an uh le na leenggahzu uh le na sathau uh na kaihkhop theih nadingun amah in guah masa le guah nunung, a hunin na leitang uh a dingin hong zusak ding hi.

“Tua ahih ciangin TOPA na Pasian uh itin ama hong thuhilhna, a thukhamte, a ngeina kipte, a thupiakte na zui tawntung ding uh hi.

“En un, tuni-in na mai uhah thupha khat le hamsia khat ka koih hi. Tuni-a kong gen, TOPA na Pasian uh thupiaknate na zuih uhleh thupha hi a, TOPA na Pasian uh thupiaknate mang loin, na theih nai loh uh pasian dangte’ nungzui dingin tuni-a no kong thupiakna panin na kiheikhiat uh le hamsia ahi hi.

Vantungte, leitung’ tungah a om laiteng, amaute tungah piak dingin TOPA in na pu na pate uh tungah a kiciam gam sungah note le na tate uh khan a sau theih nadingin na inn kongkhak khuam uh le na kongpite uh tungah tuate na gelh ding uh hi.

Midangte’ hong khemna hangin note kihei-in pasian dangte’ na semin tuate na biakkhak loh nadingun kingaihsun un.