Popular Bible Verses from THU HILHKIKNA 10

Share

“Israel-te aw, tu-in, TOPA na Pasian uh zahtak ding, ama lampite tot ding, amah it ding, na lungsim khempeuh uh le na nuntakna khempeuh uh tawh TOPA note’ Pasian’ na sep ding, le nomau’ hoih nadingin tuni-a kong gen thupiaknate le TOPA’ thukhamte zuih ding cih simloh, TOPA na Pasian un note’ tung panin bang dang hong kal ahi hiam?

Bang hang hiam cih leh TOPA na Pasian uh a lian, a vanglian, a kihtakhuai Pasian, angvan nei loin, sumgolh a la lo, pasian-te’ Pasian, topate’ Topa ahi hi.

Tua ahih ciangin TOPA’ thu mang unla, lungkhauh nawn kei un.

Amah in pa nei lote le meigong numeite a dingin thutang semin, peemtate itin an le puan a pia hi.

Amah pen nomau’ phat ding ahi hi. Na mitte un a muhsa hih a lian a kihtakhuai nate note a dingin hong bawlsak pa pen na Pasian uh ahi hi.

TOPA note’ Pasian na zahtak ding uh a, ama na semin, amah beelin, ama min tawh na kiciam ding uh hi.

En un, vantung le vantung a sangpente le leitung le a sunga om khempeuh pen TOPA note’ Pasian-a’ ahi hi.

Tua ahih ciangin peemtate it un; bang hang hiam cih leh note zong Egypt gamah peemta na hi uh hi.