Popular Bible Verses from 2 KORIN NIHNA 4

Share

Bang hang hiam cih leh a kimuthei nate a mitsuan ka hi kei uh a, a kimu thei lo nate a mitsuan ka hi uh hi. A kimuthei nate tomno sung bek kimang a, a kimu thei lo nate a tawntungin a kip ahi hi.

Tua thu hangin ka lungkia tuan kei uh hi. Kote’ leitung pumpi in damdamin muatlam ding a manawh ahi zongin ka kha nuntakna uh a nini-in thaksuak semsem hi. Tuhun laitakin tomno sung lungkhamna ka thuakte uh in ka thuakna uh sangin nakpitakin a lianzaw tawntung minthanna sung hong tunpih ding hi.

Gimna ka tuah zelzel uh hangin ka si kei uh a, lunghihmawhna ka tuah zelzel uh hangin ka lungkia kei uh a, gal tampi ka neih uh hangin pawl ka kitasam ngei kei uh a, liamna baina ka tuah uh hangin ka si kei uh hi.

Ahi zongin vangliatna taktak Pasian a’ hi a, kote a’ hi lo hi, ci-in a kilat nadingin kha tawh kisai na manpha a nei kote pen na kikoihna leibeel tawh a kibang bek ka hi uh hi.

Tua bang mite pen hih leitung pasian gilote in a lungsim mit uh tawsak ahih manin um lo uh a, Pasian tawh a kibang teekteek Khrih minthanna hangin amaute tungah a hong taang lungdamna thu khuavak mu thei lo uh hi.

“Khuamial sung panin khuavak taang hen,” a ci Pasian mah in Jesuh’ maitang a taangsak Pasian’ vangliatna thu theih nading khuavak ka ngahtheih nadingun kote lungsim sungah khuavak hong taangsak hi.