Popular Bible Verses from 2 KORIN NIHNA 3

Share

Hih lai munah Topa a cih pen Kha Siangtho hi a, Topa’ Kha Siangtho a omna mun peuhpeuhah suahtakna om hi.

Tua ahih manin eite khempeuh i maitang hong kiliah nawn loin Topa’ minthanna vangtaang i kilangsak hi. Topa kiang panin a hong pai Kha Siangtho ahi tua minthanna vang in amah tawh a kibang dingin eite hong bawlpha a, minthanna khat panin minthanna sangzaw-ah hong omsak hi.

Ahi zongin Lai Siangtho in, “Topa’ mai-ah Moses a pai ciangin a kiliahna puan a lakhia hi,” a cih mah bangin Topa lamah mi khatpeuh a kihei ciangin a liah puan kilakhia hi.

Hih bang sepzawh nadingin kote in siamna nei ung a ci hi loin, sepzawh nading siamna pen Pasian hong piak ahi hi. Thuciamna thak nasem thei dingin kote tungah siamna a hong pia hi. Tua hong piakna pen lai-a kigelh thukham tawh hi loin Kha Siangtho tawh ahi hi. Bang hang hiam cih leh lai-a kigelh thukham in sihna piangsak a, ahi zongin Kha Siangtho in nuntakna hong pia hi.