Popular Bible Verses from 1 TIMOTI MASA 3

Share

I biakna pen a thuthuk a thulian taktak ahihna thu hih bangin i thei hi: Mihing lim pua-in amah hong kilang a, a man taktak ahihna thu Kha Siangtho in kilangsak a, vantung mite in a mu uh hi. Mi khempeuh tungah ama thu kihilh a, mun khempeuhah ama thu ki-umin, vantungah amah kilato hi.

Tua ahih manin siate pen paubaanna a nei lo mi, zi khat bek a nei mi, lungsim hoih hithiat mi, thu a ngaihsun thei mi, a kilawm a kituakin a gamta mi, zin le leengla do a siam mi, thuhilh a siam mi

A innkuan sung hoihtakin a ukzo mi, a tate thumangsak thei-in, na khempeuhah a kilawm a kituakin a gamtasak thei mi hi ding uh hi.

Upate pen zi khat bek a nei mi, a tate le a innkuansung hoihtakin a ukzote hi ding hi. Pawlpi upa hoihtakin a semthei mite pen mite in zahtak uh a, Khrih Jesuh a upna thu uh kisuanna om hetloin hangtakin gen ngam uh hi.