Popular Bible Verses from 1 TIMOTI MASA 2

Share

Bang hang hiam cih leh Pasian khat bek om a, Pasian le mite a hong kilemsakkik thei Khrih Jesuh khat bek om hi. Mi khempeuh a tankhia dingin tua Jesuh hong kipiatawm a, a hun lian laitakin a hong kipiakna pen Pasian in mi khempeuh a hotkhiat nopna thu a kilatna ahi hi.

A masa penin kong gennop thu in: Mi khempeuh a dingin Pasian tungah ngetna, thungetna, thumna le lungdamkohna na neih ding uh ahi hi. Eite nuamtakin omthei-in, biakna lungsim nei-in a kilawm takin i nuntak theih nadingin kumpite le uliante a dingin thu na ngetsak un.

Mun khempeuhah a om pasal khempeuh in kuamah tawh kitotna le lungsim kinopmawhna nei hetloin, lungsim siangtho tawh a khut uh lamin thu a nget ding uh ka deih hi. Tua mah bangin numeite zong a kilawm a kituak bekin kizemin kipuahin, sam khawng a uanglua-in bawl loin, a khengvalin kizepna a tuamtuamte zang loin, biakna lungsim neite a dingin a kilawm ahih mah bangin gamtat hoih a neih ding uh ka deih hi.