Popular Bible Verses from Kɔlɔs 2

Share

Tumɔ kɨŋ je gɨ Jesu-Kɨris le naa Ba-gulɔŋ bɨ, kɨŋ bee kuduroygɨŋ cayi bɨ. Na toy di hɨn̰ wo̰ ma maŋ yəgɨŋ, ɗe gɨ kɨŋ kɨba gɨyəŋ koyi kuɗa. Dɨbagɨŋ sarnaygɨŋ dugo gag gusii bɨ, ɨrgɨŋ usa a cayi bɨ, cay aye kudurɔ gɨŋ hɨn̰ gɨ kan ba gɨlgɨŋ le wo̰ bɨ, laan̰gɨŋ Kumu ho’o jɨn̰ tumɔ tumɔ bɨ.

Ɗagɨŋ muɗɔlɛ a cay gusɨgɨŋ gɨŋ ɗe ungo gɨybɨgɨŋ dan̰ hɨnga-sɔlɛ ga poy naŋ bɨ, dan̰ kɔl poy ga kalɨn̰ wo̰ dugo dan̰ gɨyəŋ gɨ da hada da kalaŋ ga ɨndəŋ naŋ bɨ. Hɨnga ga ni gɨle ga nee le sa na gusi Kɨris naŋ bɨ, ama sayga na gusi turnɔn̰əŋ ga ɨsɨndəŋ ga di cay gɨsəŋ.

Kɨŋ ga tumɔ kɨŋ madɨrdaŋ kol gɨye-lɔɔdɨgɨŋ gɨ ɨra dan̰ gɨyəŋdi naŋ bɨ, kol wale gɨ walagɨŋge ban̰a naŋ bɨ le, Kumu lee gɨ kɨŋ jɨga som-bɨra dan̰ Kɨris. Ban ɗe kuduroy jal a cay gɨye-lɔɔdɨgɨŋ gɨ ɨra dan̰ gɨyəŋdi naŋ nɔm. Kumu mondu magtubu di ɗe dɨbe kɔl cayna le muɗɔgɨ muɗɔgɨ coŋ. Magtubu di nee le, dɨbɨ kɔl cayna ojɨn̰ na cay gasaŋ ga na ɓala lɔɔ hɨngadɨge dɨɗe naŋ. Magtubu di ɗe dɨbe kɔl cayna le Kɨris orɨn̰ danaa gagɨloo a cay sɨya-gɨ-dagɨli gɨŋ mɔndɔɔ muɗɔgɨ muɗɔgɨ coŋ.

Jɔɔgɨŋ kɔl koge naŋ kɨya wa hɨnga nɔm ga wandɨn̰ gusi Kumu tɛlɛlɛ tɛlɛlɛ le, wandɨn̰ gusi Kɨris tɛlɛlɛ tɛlɛlɛ bɨ. Kɨŋ way hɨnga ga nee le ɓadɨldɨn̰ a gusi Kɨris, hɨnga ga wɨygɨŋ unɔ. Kɨris na ba cay ka-dɔɔ-ƴaa nɔm bɨ, na ba cay ka-dɔnɔn̰əŋ nɔm bɨ.

Kɨya cay kɔl nɔm gɨ nee le na, kɨŋ ɗɔɔ ungo wo̰ dɨbe kɔl caygɨŋ naŋ, ojɨn̰ cay hɨnga ga ni dɔɔ naŋ le, hɨnga ga ni sɔɔ naŋ le, cay lɔɔ kɨdɨrɛ gɨ da kɨdɨrɛn̰əŋ naŋ le, ojɨn̰ cay lɔɔ kɨdɨrɛ gɨ da kɨdɨrɛn̰əŋ ga andaŋ hɨrɨwa naŋ le, ojɨn̰ cay wɔlɛ gɨ ni dorɨn̰ gɨlale gɨ da Jubɨn̰əŋ bɨ. Hɨnga ga nee le nɔm woy gɨlɨn̰ na hɨn̰ turnoy hɨnga ga gɨl tumɔ gɨ hɨnga ga ɗari na kɨya ɨrga kardi nee, ama Kɨris mana gusɨge ga leen̰ cɨndi.