Popular Bible Verses from 1 Tesalonigɨ 5

Share

Sɨmagɨŋ dan̰ gusi-mɔwa dan̰ wɔlɛ pɨna pɨna. Ulagɨŋ Kumu daa daa bɨ. Hɨn̰ gɨ kɨɗɨn̰ na kuɗaa na ɨsɨndee kalɨn̰ ma, laan̰gɨŋ Kumu ho’o. Kɨya wa, na hɨnga ga nee le ma, Kumu gey gɨ kɨŋ-gandi ga kɨŋ bugoŋ pɨna dan̰ Jesu-Kɨris le, kɨŋ na laa.

Kuɗa gɨ Kumu gɨ ba bɨn̰ kalaŋ gusi-dɔbɛ dan̰ gusi koyi dɨragɨŋ sɨgɨŋ dan̰ cɨndɨgɨŋ ɗɨga kol cayi. Kuɗa gɨ ban gama turnoygɨŋ bɨ, habedɨgɨŋ bɨ, kuyoŋdi-gusɨgɨŋ bɨ dɔmɔmɔ, ɗe wɔlɛ gɨ Ba-gulondɨgɨŋ Jesu-Kɨris kɨya caga na, masadɨgɨŋ na unɔ. Ban gɨ təgɨŋ a te gɨyəŋ koyi gɨŋ le, na ba ɨre a cay tɨbayi dɨŋ: Na ban gaŋ ba kɨya lɔɔ hɨnga ga nee le nɔm.

Ɗagɨŋ muɗɔlɛ a cay gusɨgɨŋ gɨŋ ɗɔɔ gɨ ungo jogɨn̰ dan̰ ɨsɨna ban̰di ɨsɨna bɨn̰ mɨgay daa naŋ, ama kɨŋ mala gɨyəŋ gɨ ni lɔɔ hɨnga ga ɗari dan̰ tɨwa nɔm duroygɨŋ bɨ, kol cay kalaŋ nɔm bɨ.

Na toy di hɨn̰ wo̰ ma, dɨbagɨŋ bandɨ kuduroygɨŋ duroygɨŋ bɨ, jɨbgɨŋ te gusɨgɨŋ te aye kudurɔ gɨŋ bɨ, hɨn̰ gɨ kɨŋ ba leen̰ ɨni le.

Karmɨnɨ ga ban̰aŋ dan̰ ga kandɨ, ni olgɨŋ gɨ kɨŋ ɗala ka-dabɨr bɨ, dɨbagɨŋ bandɨ kuduroy ka-hundɔrɔ bɨ, jɨbgɨŋ te kan ga togɨyge unɔ bɨ. Dɨbgɨŋ ɗugoygɨŋ cay kalaŋ nɔm bɨ.

Kɨya wa Kumu ɗena na ɗe gɨ ana na wan̰ pɔɗɛ dan̰ gɨyəŋ gɨ da Ba-gulɔŋ Jesu-Kɨris gɨ ma kol caynagɨŋ le, ama na ɗe gɨ kuduroy-hɔmɛ toyi na gɨ bɔɔ caynagɨŋ naŋ.

Kɨya wa kɨŋ-gandi nɔm, kɨŋ na karɨn̰ kɨɗɨn̰ asɨn̰a bɨ, karɨn̰ kɨɗɨn̰ ga woli bɨ. Na na kalaŋ ga da son̰do naŋ bɨ, ga da dɨlɨm naŋ bɨ.