Popular Bible Verses from 1 Korɛ̰t 13

Share

Ungo gɨ wandɨ woy gusi le dɨbɨ ɗugoy bɨ, lee hɨnga ga ɗari bɨ. Ungo gɨ wandɨ woy gusi le na ba lɔɔ jangɨ naŋ bɨ. Ungo gɨ wandɨ woy gusi le na ba gɨle gusi naŋ bɨ na ba dɔgɛ jorgii naŋ bɨ. Ban laa hɨnga ga wɨyan̰ lɔɔ naŋ, naŋ bɨ, ban ɨrɨm na a cay gusi koyi gɨŋ ƴɔbɨ naŋ bɨ, ban laa kuduroy-hɔmɛ haw naŋ bɨ, ban ƴɨma kɔl gɨ ɨsɨni gɨ karmii lee danayi kuduroyi naŋ bɨ.

Ungo gɨ orɨn̰ dan̰ wandɨ gusi le, ɗe kuduroy jal a duroy hɨnga nɔm bɨ, gam aye kudurɔ a duroy hɨnga nɔm bɨ, bee ɨrɨmedi a cay Kumu a duroy hɨnga nɔm bɨ, ƴom kuduroy a duroy hɨnga nɔm bɨ.

Ban laa gusi-mɔwa a cay hɨnga ga dan̰ gɨyəŋdɨge gaŋ naŋ, naŋ bɨrɨŋ, ama ban lee gusi-mɔwa daa daa na kɨya cay kɔl gɨ cɨndi.

Haw kɛ na, hɨnga ga woy dan̰ cɨndɨge yɔd le toyge won̰ na sɨbɨ: Na aye kudurɔ bɨ, bɔgɛ ɨrɨme a cay Kumu bɨ, wandɨ bɨ. Ama duroy kan ga sɨbɨ le, gɨ gumu ɗige nɔm na wandɨ.

Wandɨ kɨya kaɗɨn̰e naŋ bɨrɨŋ. Te yɔɔ-kɔl-gɨ-Kumu-ba-yɔɔ kɨya ayaŋ bɨ. Wɔlɛ kɨya caga gɨ dɔnɔ di ni yon̰ kɨbɨn̰əŋ ga ungo sɨla toyge naŋ kɨya ayaŋ bɨ, wɔlɛ kɨya caga gɨ te sɔlɛ-hɨnga kɨya kaga bɨ.

Ko hɨn̰ gɨ ɨŋ na ya na kɨbɨ gɨ da kalaŋ ga a cay gɨsəŋ gaŋ bɨ, ga da ka-ƴɔbɛ ga daa bɨ, ama wandɨ na unɔ gusɨnɨ na, kɔl yɔnɨ gɨlɨn̰ na hɨn̰ mandaŋ gɨ ye wo̰, naŋ le na hɨn̰ nare gɨ yɨle gɨ wol gɨ joɗɨge wo̰ bɨ.

Ko hɨn̰ gɨ ɨŋ na ya naa kɔl-gɨ-Kumu-ba-yɔɔ, naŋ le ɨŋ na sɨla naa hɨnga ga woy kɨɗɨn̰ wɔsɛdɨge gaŋ nɔm, naŋ le ɨŋ na sɨla hɨnga nɔm, naŋ le aye kudurɔ hɨnge na usa tɔgɨ laa gɨ ɨŋ na ɗɨdan̰ garman̰əŋ kalɨn̰ ma, hɨn̰ gɨ wandɨ na unɔ gusɨnɨ na, ɨŋ na hɨnga naŋ.

Ko hɨn̰ gɨ ɨŋ na gusɨna naa hɨnga wɔɔnɨ nɔm ga ɨŋ orɨn̰ bɨn̰ ka-n̰age ɗe diige bɨ, hɨn̰ gɨ ɨŋ na aya naa kuyoŋdi-gusɨnɨ bee ɗe ulge bɨ, ma hɨn̰ gɨ wandɨ na unɔ gusɨnɨ na, hɨnga pɨna ga ɨŋ kɨya wɔɔ toy nee le unɔ.

Jagɨŋ, kɨɗɨn̰ ga ɨŋ ba karma ƴee le, ɨŋ ye na kɔl karma bɨ, ɨrɨmenɨ na ɨrɨme gɨ ni karma bɨ, kɔl yɔnɨ na kɔl karma bɨ. Ama kɨɗɨn̰ ga ɨŋ malgɨ ɓal bara ɨni na, ɨŋ ɗe gɨye-lɔɔ gɨ ni karma coŋ.