Popular Bible Verses from 1 Korɛ̰t 12

Share

Waŋ waŋ kalɨn̰ ma Kumu bii hɨnga ga ni bee-kalɨn̰ ga ojɨn̰ cayi ɗe na gɨlɨn̰ dɔnɔ di da Turnɔ di da Kumu jɨn̰ doŋ ɗe na laa dan̰ kalaŋ nɔm.

Kɨŋ-gandi nɔm kɨŋ na kuyoŋdi Kɨris ɨni bɨ, kɨŋ-gandi pɨna pɨna na karɨn̰ gusi bɨ.

Hɨn̰ gɨ kɨway gusɨna gɨ pɨna na gɨl-cɨn̰ na te kɨway gusɨna nɔm gɨlge-cɨn̰ pɨna danayi bɨ. Hɨn̰ gɨ kɨway gusɨna gɨ pɨna na wa hɨrame na te kɨway gusɨna ga ba nɔm leege gusi-mɔwa pɨna danayi bɨ.

Turnɔ di da Kumu bɨn̰ ungo gɨ pɨna gɨyəŋ gɨ ni yon̰ kɔl dan̰ cɨn̰-muɗɔlɛ bɨ, Turnɔ di da Kumu di pɨnaa di nee le bɨn̰ ungo gɨ ɗaŋ yɔɔ kɔl dan̰ gɨyəŋ gɨ ni hɨnga-sɔlɛ bɨ. Turnɔ di da Kumu di pɨnaa di nee le bɨn̰ ungo gɨ pɨna aye kudurɔ gɨ woy gɨlɨn̰ kan̰di bɨ, bɨn̰ ungo gɨ ɗaŋ dɔnɔ di ni poɗɨn̰ ka-hɔmɨn̰ɛ bɨ, bɨn̰ ungo gɨ ɗaŋ dɔnɔ di ni loon̰ beli bɨ, bɨn̰ ungo gɨ ɗaŋ dɔnɔ di ni yon̰ kɔl-gɨ-Kumu-ba-yɔɔ bɨ, bɨn̰ ungo gɨ ɗaŋ coŋ dɔnɔ di ni dorɨn̰ cɨn̰ turnɔn̰əŋ bɨ, bɨn̰ ungo gɨ ɗaŋ dɔnɔ di ni yon̰ kɔl dan̰ kɨbɨ gɨ toy kan̰di kan̰di gɨ ungo sɨla naŋ bɨ, bɨn̰ ungo gɨ ɗaŋ coŋ dɔnɔ di ni solɨn̰ duroy kɨbɨ gɨ ungo sɨla naŋ gɨ toy kan̰di kan̰di gɨ nee le bɨ.

Na Turnɔ di da Kumu di pɨnaa di nee le ba lɔɔ hɨnga ga nee le nɔm. Hɨndi gosɨn hɨnga ga ni bee-kalɨn̰ ga nee le bɨn̰ waŋ waŋ kalɨn̰ ma dan̰ kuduroy geye kɔɔ.

Hɨn̰ wo̰ ɗe puyoŋ na unɔ duroy kuyoŋdi-gusɨna ama ɗe kuyoŋdi-gusɨna nɔm na sɨlage kardi gusɨge ɗe ɓadɨlɨn̰.

Hɨnga ga Turnɔ di da Kumu bɨn̰ kalaŋ kalɨn̰ le toyge kondɨ, ama na Turnɔ di da Kumu di pɨnaa di nee le ba bɨge. Gɨye le toyge kondɨ ama na Ba-gulɔŋ gɨ pɨna hayi gɨ nee le ma, mani lee gɨye bii. Gɨyəŋ gɨ kalaŋ leen̰ge gɨye toy kondɨ, ama na Kumu gɨ pɨna hayi gɨ nee le ma, mana ba lɔɔdɨge nɔm a kuduroyna nɔm.

Kalaŋ ga cay wase ga Kumu sige a cay Ka-Daye kay gaŋ le na ka-gɨre-gɨye. Kan ga kobɨ kardɨge na ka-yɔɔ-kɔl-gɨ-Kumu-ba-yɔɔ. Kalaŋ ga ni sɨbɨdɨge na ka-gɨlɨn̰ kalaŋ hɨnga. Kardi nee na, na ka-lɔɔ hɨnga ga ni beli. Kardi nee ɗaŋ coŋ na, na ka-orɨn̰ dan̰ dɔnɔ gɨ ni poɗɨn̰ ka-hɔmɨn̰ɛ bɨ, ka-jɨbe te karmɨge bɨ, ka-dɔrɛ tumon̰ kamdɨge bɨ, ka-yɔ kɨbɨ gɨ ungo sɨla naŋ bɨ

Kuyoŋdi-gusɨna le ɨran̰ dan̰ kɨway gusi na pɨna ɗɔ ƴɔbɨ naŋ, ama na dan̰ kondiige.

Naŋ, kɨya wɔyɛ hɨn̰ wo̰ naŋ, kɨya wa kɨway gusɨna ga pɨna ga woy duroy kuyoŋdi-gusɨna gaŋ le usage naŋ, ama na sol gɨ dɨle kan na kuyoŋdi-gusɨna kɨya andaŋ hɨnga naŋ.

Ɗaŋ coŋ hɨn̰ gɨ kuyoŋdi-gusu nɔm na bɨləŋ ti na, ban gɨ jɔɔ kɔl na mɨna ga? Hɨn̰ gɨ kuyoŋdi-gusu nɔm na bɨləŋ sɨma na, ban gɨ ɗɔn̰ɛ gasɨm na mɨna ga? Ama Kumu si kɨway gusɨna pɨna pɨna gusɨna na dan̰ kuduroy geye koyi. Hɨn̰ gɨ kɨway gusɨna nɔm na bɨləŋ kɨway gusɨna pɨna ɗɔ ƴɔbɨ na, kɛ kuyoŋdi-gusu ba ani ga?