Popular Bible Verses from MUV̄ENULIO 16

Share

Tsami nisuja mauri mwidzi. Aɓarikishiha uwo alio hashiri, tsena aliona nguo zahe ile asuke wadzi, iaĩɓu yahe isuonehane.

iMalayika ya sita iɓuhudza ishikombe yayo hari mwa umuro muɓole wa Efurati. Ɓas, maji yaha, ile indzia ya wafalume wajao ulawa Jua la Uhea itayarishihe.

Yao madjini ya mazetwani yafanyao ãlama za midjuza na uendra ha uwafalume wa piya ishiv̄andre ya tsi iketsiwao, ile yawangulidze wa ikondro ya iSuku Ɓole ya Mungu Monyewe Ushindzi.

Amwesa tsiono v̄ulawa hanyoni ha ishinyama ɓole mufano wa vwayi ile, na hanyoni ha ishinyama mbovu, na hanyoni ha umutrume wa trambo, madjini maovu mararu yakofana na ziwatrotro.

Ɓasi uwanadamu wavuwu ha itsav̄e ɓole yalo; na wao wakokufuru lidzina la Mungu aliona iyezi hari mwa yamaɓa yale, ɓadi kawandra toɓa waja wamutukuza.

iMalayika ya handra yendre iɓuhudza shikombe yayo shiv̄andreju mwa tsi. Sa ile v̄uhea shondra mbovu yendza utungu hari mwa uwanadamu wakana iãlama ya ishinyama mbovu ile, tsena wakoãɓudu sanamwe layo.

Yawangulidza v̄ahanu v̄uhiriwao Harmagedoni Shiheɓraniya|Muheɓraniya.