Popular Bible Verses from MUV̄ENULIO 12

Share

Na wao wamushindri ha idamu ya uMwana Ɓariɓari, na ha urongozi wa ushahidifu wawo; mana kawav̄endza uhayati wawo ata waka tayari ya ufa.

Ɓas v̄ale tsikia ulawa pev̄oni ji lendza nguvu lakorongoa: «Av̄asav̄anu ziwaswili uwokovu, ushindzi, utawalizi wa Mungu watru, na iyezi ya Kristi wahe. Mana avutswa v̄ondze, umusingidza wa wananyatru akowasingidza mbeli za Mungu watru uku na mutsana.

Ɓasi v̄ale ivutswa utsini, ishinyama ɓole, ne ɗe inyoha ya ãswili ihiriwao Iɓilisa amma Shetwani, uwo adanganyao ulemengu kamili. Avutswa shiv̄andreju mwa tsi, na zimalayika zahe v̄umoja na waye.

Ɓasi namufurahi wanyu zimbingu, na wanyu muziketsio! Ɓadi djondo trini hanyuju wanyu shiv̄andre ya tsi na iɓahari, mana Iɓilisa amushukiani na hasera mangavu, iv̄o ajuao amba wakati wahe wa mushashi.»

Wakati ule v̄uhimi kondro pev̄oni. Mikayilu na malayika zahe wawana na ishinyama ɓole ile. Na ishinyama ile wajau v̄umoja na zimalayika zayo iwana

Ɓasi v̄ale ishinyama ɓole ile ihadhaɓiha kinyume na umutrumushe, ilawa yawane kinyume na zilembwe zasalia zahe, wale wasika ãmuri za Mungu na uv̄inga ushahidi wa Insa.

V̄uv̄enuha kudura ɓole pev̄oni: mutrumushe apindrisiwa lijua, akana umwezi utsini na yimindru yahe, na kemba ya nyora kumi na mbili shitswani hahe. Akana hamili, tsena akolatsa keme ha utungu wa madzazi.

Aja adza mutruɓaɓa, mwana mume, akoja atsunge piya zinishani ha tsimbo ya shuma. Na umwana wahe av̄elehwa ha Mungu na ishiri ya ufalume yahe. Ɓadi umutrumushe atrala, andre padzaju, v̄ulio amba Mungu aka amurengeledzea v̄ahanu, ile alisiwe muda wa suku alifu wa miyateni wa sitini.

Ɓasi v̄uv̄enuha kudura yangina mbinguni: shinyama ɓole mufano wa vwayi yendza range ndzukundru yaiva. Ikana zitswa saɓa na nyonga kumi, na hari mwa zitswa zayo, kemba saɓa. uMushia wayo wakogogora lifungu la raru la zinyora za mbinguni, na uwo uzivutsu shiv̄andreju mwa tsi. Shinyama ile ihimi mbeli za mutrumushe ule akwendra adze, ile iɗye mwana wahe amohisodza.

Ɓasi maɓawa maili ya kwezi ɓole yav̄olwa umutrumushe, ile av̄euhe, andre padzaju, v̄ahanu hahe atsolisiwao hari mwa muda, mida, na inusu ya muda, mbali na inyoha. iNyoha itowo maji mauri muro hanyoni mengoni ha umutrumushe, ile av̄ingwe ha umuro. Ɓadi ishiv̄andre ya tsi ihuyi umutrumushe, iɓua ihanyo yayo, imedze umuro ishinyama ɓole yaka yautoa hanyoni hayo.