Popular Bible Verses from 2 MAKORINTIYO 5

Share

Ɓasi neka mutru ana uv̄umoja na Kristi, v̄av̄o afanyiha shiumbe pia: za hale ziv̄iri, tsizini zilio pia zija.

Uwo alio amba kajua dhambi, Mungu amufanya dhambi ha tanafu yatru, ile ha waye rifanyihe wendza haki wa Mungu.

Mana risendra ha uaminifu, ɓadi tsi ha uona.

Na piya ulawa ha Mungu, alio amba ariparanisa na waye ha ndzia ya Kristi, tsena aridhwaminisha urumishi wa umuparanisio. Mana Mungu aka ha Kristi, akoparanisa ulemengu na iwaye yahe, ɓila uangalia mahosa ya wanadamu, tsena atria hatruju urongozi wahusu umuparanisio.

Ɓasi wasi mawakala wa Kristi, na Mungu waye-waye ɗe amuhiraoni ha ndzia yatru. Risumumiani ha lidzina la Kristi, namudzilishe muparanisiwe na Mungu.

Na neka afu ha faida ya piya, v̄av̄o pare wao walio hayi wasuẽshi tsena ha faida yawo wenyewe, ɓadi ha faida ya ule afa, tsena aregezewa hayi ha faida yawo. Ha izo rangu v̄anu, karisuangalia atsokao yotsi ha shiuɓinadamu. Wala ukana rakomuangalia Kristi ha shiuɓinadamu, av̄asa karisumuangalia tsena namuna ile.

Mana uv̄endza wa Kristi usurifarudhisha, iv̄o riliona yakini na zini: moja afu ha faida ya piya. Ɓasi v̄av̄o piya wafu.