Popular Bible Verses from 1 MAKORINTIYO 6

Share

Afa kamusujua amba umwili wanyu, uwo ɗe inyumba ndzitwaharifu ya iRoho Ndzitwaharifu ilio moni hanyu, tsena mwaipara ulawa ha Mungu? Wanyu tsi wanyu wenyewe. Mununulwa ha thamani. Ɓasi namumutukuze Mungu mwilini hanyu.

Kamusujua amba wadhuluma kawatsopara fungu hari mwa Utawalizi wa Mungu? Musulaɓihe! Watru wendza taɓia za peu za shi mwili, maãɓudu-masanamwe, wazindzi, watruɓaɓa waliona shahawa wao na wao, waidzi, mav̄endza-upara, walevi, marongoa-nnayi, na warav̄izi, kawatsopara fungu hari mwa Utawalizi wa Mungu.

Namutrale taɓia za shahawa kazalazimu. Dhambi langina lotsi mutru alifanyao, lilo kalihusu umwili wahe, ɓadi uwo afanyao taɓia za shahawa kazalazimu, v̄av̄o asuãswi kinyume na umwili wahe monyewe.

V̄wa warongoao: «Tsiruhusiwa piya.» Ɓadi tsi piya ɗe ziliona mana na mutru. Kweli amba tsiruhusiwa piya, ɓadi hanguju wami, tsitsodzilisha natawaliwa na itsokao yotsi.

Ɓasi Mungu amuregeza hayi Raɓi ulawa ufaju, atsoriregeza hayi ulawa ufaju wasi wajau, ha ushindzi wahe.