Popular Bible Verses from 1 MAKORINTIYO 3

Share

Hali kamusujua amba wanyu nyumba ndzitwaharifu ya Mungu, na iRoho ya Mungu isuẽshi moni hanyu?

Mana kav̄usi mutru ashindrao ahedze musingi wangina ɓadala ya ule wahedzewa, na uwo ɗe Insa-Kristi.

Ha izo, tsi ule ataɓuo ɗe alio muhimu, wala tsi ɗe ule atriao maji, ɓadi Mungu ahudzao.

Mana wasi washangirizi wa Mungu rifanyao hazi v̄umoja na waye; wanyu ɗe lishamba la Mungu, amma ɗe umuundrio wa Mungu.

v̄av̄o hazi ya kula mutru itsoonehana, mana iSuku ya Hukuma itsoionesa. Itsov̄enulwa ha moro, na umoro ɗe utsotoao udhiɓitifu wa inamuna ya ihazi ya kula mutru.

Ule ataɓuo na ule atriao maji, wao sawa, na kula moja atsopara thawaɓu yahe ulawana na ihazi yahe monyewe.

V̄wasuke ata mutru adzilaɓa: neka mutru mengoni mwanyu asudziona mauri mwendza hikima, hikima ya shi duniani, nafanyihe mujinga, ile afanyihe mwendza hikima.