Popular Bible Verses from 1 MAKORINTIYO 15

Share

Ha izo wananya wa roho wangu, namuke wahodari, watru wasika. Ha daima murendre na uzidisha urumishi wa Raɓi, ha ujua amba ihazi yanyu hari mwa uv̄umoja na Raɓi, kaisi tsi endza faida.

Ɓasi himida ha Mungu ariv̄ao ushindrifu ha ndzia ya Raɓi watru Insa-Kristi.

Musudzidanganye: «Uka v̄umoja na waovu, uangamidza taɓia ndjema.»

Ɓadi ha irehema ya Mungu, tsa namuna nilio, na irehema yahe iyo hanguju kaisi amba kaina mana. Ɗe ikinyume, tsidzirumu zaidi ya wao piya, wala tsi wami, ɓadi ɗe irehema ya Mungu ilio hanguju.

V̄wangina tsena: «Ufa, wa hav̄i ushindrifu waho? Ufa, la hav̄i dzinyo la sumu laho?» Na dzinyo liv̄ingao lisumu la ufa, ɗe lidhambi; na ushindzi wa dhambi, ɗe iSharia.

Tsini nisumuambiani siri: Karitsofa piyasi, ɓadi piyasi ritsogaudziwa, hari mwa sa moja, sa ya uv̄ena, liɓaragumu la mwiso lamovudziwa. Mana litsovuma, na uwafu watsoregezewa hayi wake kawaji ufa tsena, na wasi, wasi ritsogaudziwa.

Mana rangu ufa waja ha ndzia ya mwanadamu ɗe ha ndzia ya mwanadamu wajau, ɗe umuregezeo hayi wa uwafu waja. Mana iv̄o wanadamu piya wafao hari mwa uv̄umoja na Adamu, ɗe inamuna iyo wajau piya wanadamu watsoẽshisiwa hari mwa uv̄umoja na Kristi.

Kweli amba ilazimu ndziangamia ipindre itsindziangamia, na ndzifa ipindre itsindzifa.

Mana ilazimu atawale mupaka ike amba atria piya maãduwi yahe utsini na maharo yahe. Na iãduwi ya mwiso ya uangamidziwa ɗe ufa.