Popular Bible Verses from BIESOZY 23

Share

Mosiapa paw cha a ly ngaita aw ta, Sawchapaw sopa paw chhao a saw chô liata â ly kaw aw.

Hneirôh awpa ta na rie a pathei tu leipa la, Â daihna rakha pahno awpa ta so thai kaw mah y.

Hmialâ daihti hnei aw chi ta, Na hnabeiseihna cha pahleipa châ aw vei.

Na palôh ta moleipazy uahva leipa sala, Noh y ta ABEIPA chipa ta tlao y mah y.

Sawnawh chhoreipa a chalihsai khah y, Sôsi ta na tupa chhao ta thi aw vei.

Pachuna lâ na palôh pahei la, Na nah chhao pahnona biezy lâ pahei mah y.

Sôh cha na hmôpa nahta thlai a pai tyh; A mathlaw kaw thao ta, Pahmôh hawhta avâ lâ â zaw syulyu ha tyh.

Châ satuhpa na paw bie nathlie la, Na nô a nôpi tita mohnao khah y.