Popular Bible Verses from ISAI 12

Share

Moh teh u, Khazohpa cha ei pachhana châ ta, Ano cha ngâ aw na ta, chi aw va na. ABEIPA, ABEIPA tlai cha ei tha­tlôna nata ei hla châ ta, Ano cha ei pachhana a châ.”

Pachhana tikhaohzy tawhta, Thaphapa ta ti thaih aw ei chi ta

A hmo rônahpa taopazy vâta, ABEIPA lâ reithaina hla sa u la, Cha cha khizaw zydua liata pahnosapa châ mawh sy.

Cha noh liata hetana heta nama tah aw: “ABEIPA lâ alyna bie hlâ u la, A moh pado teh u; A hmotaopazy cha phopizy hry liata pahnosa u la, A moh cha cheihchalopa a châ tahpa ta phuah teh u.

Cha noh liata hetana heta na tah aw: “Hy ABEIPA, alyna bie ei cha hlâ; Ei chô liata na hie vaw hâh ha hra sala, Na hiehâhna chalihsa chi ta, Thlah eina palôh ha chi.

Hy Zaio sawzy saih u, Nama hry liata a ypa Izarei Mo Pathaihpa cha, Rônah ngaitapa a châpa vâta, Thata awh u la, alypa ta hla sa teh u.”