Popular Bible Verses from ISAI 11

Share

ABEIPA Thlahpa cha a chô liata a choh aw ta, Cha Thlahpa cha sona nata novâhna Thlahpa châ ta, Ryhraona nata thatlôna Thlahpa chhao châ ta, ABEIPA pahnona nata china Thlahpa a châ. Â lyna cha ABEIPA china liata châ aw ta, A mo ta a hmôpa hawhta pachia leipa aw ta, A nah ta a theipa hawhta bietluna tao aw vei.

Zese thabypa tawhta chhyh vaw thao aw ta, A tharizy tawhta a chiah a thaopa a pathei aw.

Dyhchhiepazy chô liata adona ta ryureih aw ta, Lei chyhsa nônaipazy châta a khongâh kawpa ta a pachia aw. A pakah chôchahrei ta nôchhiepazy tu aw ta, A hmao hu ta hmoparaopazy a thie aw.

Siana ta a chai a saih aw ta, Ngâchhihna ta a chai â saih aw.

Ei tlâh pathaihpa liata cha, Apasasana rai y khao leipa aw ta, Aparaona chhao y khao aw vei. Tilaipi cha tizy ta a biepa hawhta, Leilô he ABEIPA pahnona ta a bie khai aw.

Changie cha mietakutaw hnohta pahrâ aw ta, Keichhoh chhao mietaw hnohta â byu aw. Viahchaotaw nata chakeibarôhneipa ama lao bâ khoh aw ei ta, Viahchaotaw pathawhpa chhao ama hnohta a lao bâ aw ta, Hawti chyhpata ta âmo cha a chhihtha aw ei.

Cha noh liata, Zese thari cha phopizy châta ngiana poh hawhta a duah aw ta, râhzy ta a thâtih patluah aw ei ta, â pahâna su cha a rônah ngaita aw.