Popular Bible Verses from Rom 4

Share

O maa ba jege boboŋa yalei de Wɛ na pwooli se o pa‑o kolo to. O nam tiini o zege lanyerane de o wo-dedoa kam mo, ye o zeiŋi Wɛ yere. O maa seene o yei lanyerane we, Wɛ wó wane o ke kolo o na pwooli se o ke to.

Wɛ déem tage de Abaraham o we, “Amo gwoni a ni se a pa n ji dwi tiina dedɛ nabaaro.” Abaraham na ke o wo-dedoa de Wɛ to, o seene o ye dé nabaaro Wɛ yiga ne. Wɛ nam mo bi nɔɔna toone wone o pa-ba ŋwea, ye o ŋɔɔne wonnu telo ta na tera to, ne te na maŋe te wora tei to.

Wɛ nam mo ke Yezu nabiina jeŋa ne pa se o te debam wɛleera ŋwaane. O ma daare o bi‑o toone wone pa se o jwoori o na ŋwea, se ko pa dé na chega o tei ne.

Wɛ déem na tage de Abaraham we, o dwi tiina wó puli to, Abaraham maa yeiri Wɛ na wó ke tei o ke konto. De konto de, o jege teena lanyerane, ye o ke o wo-dedoa o sɛ Wɛ ni dem. Konto ma pa se o seene o ji dwi tiina dedɛ nabaaro, nenɛɛne Wɛ na tage we o dwi dem wó puli tei to.

Dé lɔre we ko ye Abaraham wo-dedoa kam ŋwaane mo pɛ se Wɛ pwooli kampwola ded‑o, se o wane o pa-ka zɛɛra. Konto to, Abaraham dwi tiina bam maama wó seene ba na wo-laaro telo Wɛ na tiŋi o ni se o pa-ba to. Ko dae balo na jege Wɛ ni-kaana yam ba tɔge to yerane mo wó na-te, se ko ye balo de na jege wo-dedoa de Wɛ ne Abaraham de na jege tei to mo. Konto ŋwaane, debam maama wó wane dé bwoŋi Abaraham we dé nabaaro.

David maa we: “Balo Wɛ na yage ba wo-balwaaro tem o ma chɛ-ba to jege yu-ywoŋo, o na saare ba wɛleera to ŋwaane. Nɔɔno wolo na jege wɛleera ye Wɛ ba ke-ya o bochare ne to jege yu-ywoŋo.”

Wɛ tɔnɔ kom nam bere debam we, “Abaraham sɛ Wɛ de wo-dedoa, ye Wɛ pa o na chega ko ŋwaane.”