Popular Bible Verses from Filipi 1

Share

Amo yei lanyerane we, Wɛ mo ye wolo wom na maŋe o bobo se o kwɛ abam bochara to, ye wonto wó yɔɔre o taa ke konto se ko vo ko ti dɛ dem Yezu Krista na wó jwoori o ba to.

Amo na lwoori Wɛ a pa abam tei to ye se abam swono kom mo fɔge ko puli dedɛ, ko woli de yeino, se á ta‑á wae á lɔre kolo maama na tɔge chega to. Konto mo á wó wane á kuri kolo na lamma chekke se á ke, ye Yezu Krista dɛ dem ná yia, se digiru yé taa wo á bochara ne, se á daare á na bora Wɛ yiga ne.

Amo tei ne, a ŋwea ye Yezu Krista ŋwaane mo. A nam ná tega, ko wó taa ye nyɔɔre mo ko pa-ne.

Maŋa maama amo na guli abam gula, a yeini a ke a Tu Wɛ lei mo abam ŋwaane.

Kolo maama ná lage ko ke, se abam nii á kikia yam se á pa ya taa tɔge de Yezu Krista kwor-ywoŋa kam na bere tei to. Konto to, amo ná nɛ chwoŋa se a ba abam tei, naa a ná wo nɛ, amo ta wó lɔre we, abam zege lanyerane de boboŋe dedwe, ye á tɔge daane á kwaana á toŋa á pa chega kalo Wɛ kwor-ywoŋa kam na bere to.

Amo tiini a jege teena we, a bá zaŋe a ke kolokolo na wó pa a na a chaveera. Amo nam wó taa jege pu-dɛa se, a ta ná ŋwe naa a ná tega, se Yezu Krista na zula a kikia maama baŋa ne.

Wɛ na zeini abam se á ta‑á tɔge‑o tei to, ko dae se á sɛ Yezu Krista de á wo-dedoa yerane, ko ye se á kwori á na yaara de mo o ŋwaane.