Popular Bible Verses from Chullu 26

Share

Amo wó taa wo á tei ne. A maa wó taa ye abam Tu Wɛ wom, ye abam de wó taa ye amo nɔɔna.

amo de wó toŋe doa se ka ne ka maŋa ne, se á wodiiru ke lanyerane. Abam teeni dem de maa wó lei bia dedɛ.

Abam ná sɛ amo bera yam, ye á toŋe á tɔge amo nia yam

Amo wó pa se á ta‑á zoore tega kam ne de yazura. Á maa wó peini á dɔ ye foone ba jege abam. Amo wó le kago-vara se ba yé taa wo abam tega kam wone, ye a daare a che á dona.

Amo yiga wó taa wora de abam, pa se á na bia dedɛ ye á puli de dam. A maa wó su ni-gwonim delo a na tiŋi de abam to.

Amo mo ye abam Tu BAŋA Wɛ wom. A ma ja abam a nwoŋi Ejipti ne, se á daa yé ta‑á ye Ejipti tiina kabɛ. A ma chɔge dam delo ya na nye abam de se tega ne to, ye a jwoŋi abam pa se á vei ye á yuni wo wɛɛne.”

Amo maa wó ba a taa zoore abam tetare ne. Amo bere a bá yaale abam.

“Yé zaŋe-na á ke jwona se á zuli-ya. Nam yé mɔ-na kamwaro, naa se á cheili kandwa, naa a sare-ya á pa se ya ji wa-yɔɔro se á zuli-ya. Amo mo ye abam Tu BAŋA Wɛ wom.

Abam wodiiru na wó tiini te gaale to ŋwaane, ko ná yi se á zage wodiiru, ben-dwoori dem wodiu ta wó taa wo á tuli ne, pa se á dole-ko á yage se á na jei á ke á wodi-doŋo da.

Abam nɔɔna banu wó na dam se á zeili á dona bam nɔɔna bi. Abam nɔɔna bi de wó zeili ba nɔɔna morro fuga ye á wane-ba á go.

Abam wodiiru na wó puli dedɛ konto to, abam ta wó ta‑á zage wodiiru mo ye á Vini tio-bia maŋe ba yi se á gwori-ba. Abam nam bá gwori á teeni bia á ti, de duum maŋa na yi se á du á wo-dwa. Abam wó ta‑á jege á di á sui á boboŋa, ye á zoore á tega kam ne de wo-zuru.

Chega to, abam wó zeili á dona á di dam ba baŋa ne, ye á go-ba.

Ta‑á yei-na amo siu da yam ni ne, se á daare á ta‑á nege amo wara-jei sem. Amo mo ye BAŋA Wɛ wom.