Popular Bible Verses from Josua 1

Share

Amo nam maŋe a ta dede‑m we n ke dam n ke n tete kuri ne se n ta ta‑n jege baare. Yé ta‑n fona, nam yé pa se n vɔna pare. Kokuri, amo mo ye nmo Tu BAŋA Wɛ wom. Jei selo maama nmo na wó vo to, amo wó taa wora de nmo.”

Maŋa maama, se n ta‑n zamese Wɛ nia tɔnɔ kom, se n daare n zo ya wo n boŋe ya boboŋa. Nmo ma‑n ná sɛ o nia yam na bere tei maama to, nmo wó seene n na yiga-veiŋa chekke.

Yɔɔre n ke dam n tete kuri ne, se n daare n tiini n ta‑n jege baare. Nam ta sɛ Wɛ nia yalo amo tontoŋeno Moses na bere‑m to. Yé virigi n kwaga n ya-ya, se yanto mo wó pa‑m yiga-veiŋa.

Amo wó taa wo nmo tei ne maŋa maama, nenɛɛne a déem na wo Moses tei ne tei to. Amo bá fɔge a yage‑m. Nɔɔn-nɔɔno de nam bá wane o dwoni de nmo.

Ke dam n ke n tete kuri ne, se n daare n ta‑n jege baare. Kokuri, nmo mo lage n tɔge nɔɔna bam yiga se á zo á jwoŋi tega kalo a na gwoni ni se a pa á nabaara bam to.

Amo lage a ke kolo a déem na tage dedaane Moses to mo. Abam ná gwɛ á yi jei selo maama, amo wó kwei tega kam a pa abam.

“Amo tontoŋeno Moses tega. Nmo laam nam zaŋe n to amo nɔɔna Isarele tiina bam yiga ne se á bɛ Jɔdan buga kam á zo tega kalo amo na wó pa abam to.

Wɛ tontoŋeno Moses toone dem kwaga ne, BAŋA Wɛ ma ŋɔɔne dedaane Nun bu Josua. Wonto déem mo yeini o woli Moses. BAŋA Wɛ maa we

Abam laŋa kam siseini wó zege kagoa kalo na wo kuri seeni to, ka tole konto ka yi Lebanon peero tem na wo baŋa seeni to. Ka wɛ-puli seeni siseini dem maa wó zege Yuferata bu-zaŋa kam ne ka tɔge Hiti tiina tega kam maama seeni, se ka laam taa vei Mediterania naneo kom na wo wɛ-zoore seeni to.

Wolo maama nam ná gwooni‑m ye o ve se o sɛ nmo taane, se ba go‑o. Konto ŋwaane, yɔɔre n ke dam n tete kuri ne, se n daare n ta‑n jege baare de n totoŋa yam.”

“Véi-na nɔɔna bam tiga jei sem ne, se á ta de-ba we, ‘Ti-na á wodiiru yiga se da yatɔ maŋa ne mo á lage á bɛ Jɔdan buga kam se á zo tega kalo abam Tu BAŋA Wɛ wom na gwoni ni se o pa abam to.’ ”