Popular Bible Verses from Yiga tiina 16

Share

O ma laare o we, “Samson! Filisi tiina bam beene se ba ja‑m ywoo!” O ma pɛ o zaŋe dɔɔm wone ye o sigi o tete ne o we, “Amo wó vere a tete mo a yage nenɛɛne a na yeini a maŋe a ke tei to.” O daa wo lɔre we BAŋA Wɛ yage‑o.

Samson ma lwoori BAŋA Wɛ o we, “Yuu-tu BAŋA Wɛ, guli amo gula, se n jwoori n pa-ne dam bedwe yerane. Amo Tu Wɛ, pa se a daa ke keim dedwe a ma yiri jene Filisi tiina bam baŋa ne, de ba na le a yi-chele-bia bam to.”

O ma ga ko ŋwa ye o ta o chega kam o bere kaane wom o we, “Fana ta wo gwoni amo yu-ywei sento. Ko zege maŋa kalo a na wo a nu puga ne to mo Wɛ pɔɔre-ne se a taa ye Naziri tu a pa‑o. Ba ná fane a yu-ywei sem, amo wó ga a dam dem mo, pa se a taa bwona ywale-ywale nenɛɛne nɔɔna maama na ye tei to.”

Dɛ maama o ma tiini o jege Samson yia o gigila de taane dem konto. Samson yera ma ba ya chɛ, ye o kare o beeri toone jei.

O ta ma laare o we, “Yage se amo dedaane Filisi tiina bam tɔge daane dé te.” O ma tiini o yigi sɔŋɔ kom ywoa yam dedaane o dam maama, pa se ko to ko li Filisi yuu tiina bam dedaane nɔɔna balo maama na wo ko wone to. Ko ma pa se Samson toone dɛ ne, o na go nɔɔna balo to daga ba dwoi balo o na ŋwe ye o go to.