Popular Bible Verses from Hiburu 9

Share

Yezu Krista de nam tu o te o ma kaane Wɛ bedwe mo, se o wane o le nɔɔna dedɛ wɛleera o yage. O nam ta wó jwoori o ba logo baŋa, ye ko bá taa ye nɔɔna wɛleera saarem ŋwaane. Ko ye se o jwoŋi balo na jege o teena se o ba to o yage mo.

Ko na ye konto to, Yezu na tega ye o jana nwoŋi to, ko bá tiini ko fɔge nɔɔna bochara mo na? O ma tɔge Wɛ Jworo kom na wo o tei ne taa wuu to baŋa o ji kaanem delo na lana fase to o ke o pa Wɛ. O na kaane Wɛ debam ŋwaane konto to, ko wae ko pae dé bochara taa lana fase, pa se dé boboŋa daa yé zo wo-yɔɔro kikia, ye dé daare dé zuli Ŋwea Tu Baŋa Wɛ.

Ko nye de nɔɔno maama na jege se o te bedwe tei to, se o laam vo Wɛ tei ye o di o taane.

Ko ye chega mo we, Wɛ nia yalo o na ke Moses jeŋa ne to bere we nɔɔna jege se ba kwei varem jana mo ba ma zare ba wonnu Wɛ ŋwaane. Ko ye nenɛɛne wonnu maama jege se te zare konto mo. Ko ta woli da, toone jana ná tera, Wɛ bá yage nɔɔna wɛleera o ma chɛ-ba.

Konto ŋwaane Yezu mo ye wolo Wɛ na dɛ o ŋwaane o gwoni ni-doore de o nɔɔna bam to. O na mɛ o toone o ŋwe nabiina wɛleera jene to, o wae o jwoŋi-ba de ba na ke kolo ba chɔge Wɛ da-yiga ni-gwonim dem to. Konto ŋwaane balo maama Wɛ na kuri se ba taa ye o bia to wae ba jwoŋi o ŋwe-doŋa kam de ka wo-laaro tem maama, ne o na pwooli se o pa-ba tei to.