Popular Bible Verses from Nia Gulim 28

Share

“Á ná sɛ á Tu BAŋA Wɛ wom kwora ye á toŋe á tɔge o nia yam amo na pɛ abam zem tento to, BAŋA Wɛ wó pa se á yere zaŋe de dwoni teene delo maama na wo logo kom baŋa ne to.

Sɛ-na o ni dem chekke se swolim dento maama taa ye á nyem ye de woli abam maŋa maama

BAŋA Wɛ wó pa á ta‑á wo nɔɔna maama yiga ne mo, ye á bá ta‑á wo ba kuri ne. Chega to, á ná sɛ á Tu BAŋA Wɛ wom kwora ye á toŋe á tɔge o nia yam amo na pɛ abam zem tento to, á wó ta‑á vei yiga mo maŋa maama ye á daa bá jwoori kwaga.

BAŋA Wɛ wó zege o wɛyuu sɔŋɔ kom ne o toŋe doa se ka ne á kare sem ne, pa se wodiiru telo á na dugi to ke lanyerane. O na wó ke zaane á totoŋa maama baŋa ne to wó pa se á ta‑á jene á pae dwi-gɛ tiina dedɛ. Abam nam bá jwoŋi jena nɔɔn-nɔɔno tei ne.

Á dona ná nwoŋi se ba kwaare jara de abam, BAŋA Wɛ wó wane-ba o pa abam. Ba kɔgɔ kom wó da chwoŋa dedoa ba ba abam baŋa, ye ba laam jage ba da chwei serepɛ ba duri se ba lu abam jeŋa ne.

BAŋA Wɛ wó swɛ swolim o ke á tuli baŋa ne, de á jeŋa totoŋa maama baŋa ne, pa se á na swolim lanyerane tega kalo o na lage o pa abam to wone.

Wɛ swolim wó taa wo á kikia maama baŋa ne, ne ko ná ye totoŋa yalo á na ke diga ne, de yalo á na ke pwooni ne to maama.

Wɛ swolim wó taa wo á teene dem baŋa ne de á kare sem baŋa ne.

Wɛ swolim wó taa wo á bia baŋa ne, de á wodiiru baŋa ne, de á vara baŋa ne, ne ko ná ye á naane, de á pei, de de bia maama.

Abam ná sɛ BAŋA Wɛ ni maama ye á tɔge o chwei sem, o wó fɔge abam pa se á ta‑á ye o tete nɔɔna, ne o na pwooli se o ke tei to.

Wɛ swolim wó taa wo á mena tetwaro baŋa ne, de á nwanno tem baŋa ne.

BAŋA Wɛ wó pa se á ŋwea maama ke lanyerane, se á ta‑á jege bia dedɛ, de vara dedɛ, de wodiiru dedɛ, ne á ná tu á zo tega kalo ne o na pwooli de á nabaara se o pa abam to.

Ko maa wó pa se logo baŋa nɔɔna maama lɔre we á ye BAŋA Wɛ wom nyem, se ba ta kɔre abam.

Ko ná ye Wɛ nia yalo a na pɛ abam zem to, yé ywori-na ya wone se á vo jazem naa jagwia seeni. Á nam yé zaŋe á zuli wa-yɔɔro.

Abam ná ve á Tu BAŋA Wɛ kwora kam ye á wo sɛ se á tɔge o nia yam amo na pɛ abam zem to chekke, lwarem dento maama wó ba á baŋa